جەتىسۋ وبلىسى پروكۋراتۋراسى مۇمكىندىگى شەكتەۋلى جانداردىڭ قۇقىعى بۇزىلعانىن انىقتادى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
ايتا كەتەيىك, كونستيتۋتسيانىڭ 28-بابى مۇگەدەكتىك مارتەبەسى بار ازاماتتارعا مەملەكەتتەن ەڭ تومەنگى جالاقى مولشەرىندە تولەم الۋعا كەپىلدىك بەرەدى.
پروكۋرورلار 2024 جىلى مەديتسينالىق ۇيىمدار 3-4 توپتاعى ونكولوگيالىق ديسپانسەرلىك ەسەپتە تۇرعان وبلىستىڭ 18 تۇرعىنىن مەديتسينالىق-الەۋمەتتىك ساراپتاماعا جىبەرمەگەنىن انىقتاعان. وسىلايشا, ولار مۇگەدەكتىگىن راسىمدەۋ جانە كەپىلدىك بەرىلگەن الەۋمەتتىك جاردەماقى الۋ مۇمكىندىگىنەن ايرىلعان.
«پروكۋرورلىق قاداعالاۋ اكتىسىنە سايكەس بارلىق بۇزۋشىلىقتار جويىلدى, بارلىق ادامدار مەديتسينالىق-الەۋمەتتىك ساراپتاماعا جىبەرىلدى, ولاردىڭ ەكەۋى الەۋمەتتىك تولەمدەردى تاعايىنداۋ ارقىلى مۇگەدەكتىك مارتەبەسىن الدى», دەلىنگەن حابارلامادا.
ناتيجەسىندە ازاماتتاردىڭ الەۋمەتتىك قامسىزداندىرۋ قۇقىعىن بۇزعانى ءۇشىن ۇش مەديتسينا قىزمەتكەرى جاۋاپكەرشىلىككە تارتىلعان.