ستيپەنديا يەلەرى انىقتالدى

سونىڭ ىشىندە 120 ستيپەنديات ماگيستراتۋرا, 6 ازامات دوكتورانتۋرا باع­دار­­لاماسىمەن وقىسا, ال قالعان 24 ادام الەمدەگى جەتەكشى وقۋ ورىندارى مەن وندىرىستىك ورتالىعىندا كا­سىبي تاعىلىمدامادان وتەدى. بۇل جولى ستيپەنديانىڭ ۇشتەن ەكىسىنىڭ استامى جاراتىلىستانۋ-تەحنيكالىق پاندەرگە بولىنگەن. سونىمەن قاتار ­جەڭىلدىك ساناتى بويىنشا دا 22 ادام شەتەلدە ءبىلىم الادى.

ۇمىتكەرلەردىڭ دەنى «Harvard Uni­versity», «Imperial College Lon­don», «University of Pennsylvania», «Uni­versity of Melbourne», «Colum­bia University», «Johns Hopkins Uni­versit»y, «University of Bristol» سەكىل­دى دۇنيە جۇزىندەگى ازۋىن ايعا بى­لەگەن ۋنيۆەرسيتەتتەرگە تۇسكەن. ەڭدى ولار اقپاراتتىق تەحنولوگيا جۇ­يەسى, جاساندى ينتەللەكت جانە كيبەر­قاۋىپسىزدىك, كولىك تەحنولوگياسى مەن لو­گيستيكا, قوعامدىق دەنساۋلىق ساق­تاۋ, نەوناتولوگيا جانە حيرۋرگيا, ۇ­لكەن دەرەكتەردى تالداۋ, قۇرىلىس, گەو­لوگ­يا جانە تاۋ-كەن ءىسى, مەتاللۋر­گيا, قارجى تەحنولوگياسى, ۋربانيس­تيكا جانە ماتەماتيكا سالاسىنان ءبىلىمى مەن بىلىكتىلىگىن جەتىلدىرەدى.

«حالىقارالىق باعدارلامالار ورتالىعى» اق باسقارما توراعاسى ءاليا وسپانوۆا اتالعان ورتالىق الەمدىك ولشەمدەرگە ساي كەلەتىن مامانداردى دايارلاۋدىڭ جوعارى ساپاسىن قامتاماسىز ەتۋدە ۇمىتكەرلەردى كونكۋرستىق ىرىكتەۋگە ەرەكشە نازار اۋداراتىنىن جەتكىزدى.

«مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا عىلىمي تاعى­لىم­دا­ما بويىنشا ساپالى ىرىكتەۋدى قام­تاماسىز ەتۋ قاجەتتىگىن ايتقان ەدى. وسى باعىتتا كونكۋرستىق ىرىكتەۋ ۇدەرىسى قايتا قارالىپ, ۇمىتكەر­­لەر­گە قويىلاتىن تالاپ كۇشەيدى. ورتا­لىق عالىمداردى قول­داۋعا ارنال­عان بولەك باسقارما قۇر­دى. بۇل باس­قار­ما جەڭىلدىك ساناتى بويىنشا الەم­نىڭ جەتەكشى عى­لىمي ورتالىقتارى­مەن بايلا­نىس ورناتىپ, تەگىن شاقىر­تۋ الۋعا كومەكتەسەدى. وسىنداي ءىس-شارا عى­لىم مەن زەرتتەۋلەردى قولداۋ جونىن­دەگى ستراتەگيالىق جوبا اياسىندا عا­لىمداردى قۋاتتاۋعا مۇمكىن­دىك بەرەدى», دەدى ول.

سونداي-اق 33 وتانداسىمىز الەم­نىڭ جەتەكشى عىلىمي زەرتتەۋ ور­تالىقتارىندا, دالىرەك ايتقاندا, «University of Oxford», «King’s College London», «University of California», «Davis, University of Illinois at Urbana-Champaign», «University of Minnesota», «Twin Cities», «CNRS», «University of Sussex», «Technische Universitat Dresden» تاعى باسقا دا تانىمال جوعارى وقۋ ورىندارى مەن ۇيىمداردا ەكونوميكانىڭ اسا ما­ڭىزدى سالالارى بويىنشا عىلىمي تاعىلىمدامادان وتپەك.