الماتىدا لومبارد وتقا وراندى

بۇگىن ساعات 9:20-دا قالانىڭ ناۋرىزباي اۋدانى, تاشكەنت تاس جولى, 17/1 مەكەنجايى بويىنشا حابارلاما ءتۇسىپ, سول بويىنشا كەلگەن تجد بىردەن جۇمىس ىستەمەيتىن ءۇي-جايدىڭ شاتىرىنان لومبارد شاتىرىنا تارالعان ءورتتىڭ 100 شارشى مەتر اۋماقتى شارپىعانىن انىقتاعان. اتالعان اۋماق ساۋدا ورىندارىنا ىرگەلەس بولعاندىقتان 48 ءورت ءسوندىرۋشى جانە 14 بىرلىك تەحنيكا جىبەرىلگەن, ءورت تەز وقشاۋلانعاندىقتان تەحنيكانىڭ باسىم بولىگى قايتارىلعان.

الماتى قالاسىنىڭ تجد حابارلاماسىندا: «وقيعا ورنىنان 1 گاز باللونى (50ل) شىعارىلدى. 15 مينۋتتىڭ ىشىندە ءورت وقشاۋلانىپ, 9:48-دە جويىلدى. زارداپ شەككەندەر جوق. ءورتتىڭ سەبەبى انىقتالىپ جاتىر», دەلىنگەن.