بۇگىن اۋليەكول اۋدانىنا قاراستى نوۆونەجين اۋىلىنداعى مەكتەپتىڭ قابىرعاسى وپىرىلىپ ءتۇستى.مەكتەپ عيماراتىنىڭ ەكىنشى, ءۇشىنشى قاباتىنىڭ ءبىر ءبۇيىرى ۇڭىرەيىپ قالدى.
ابىروي بولعاندا, قابىرعا قۇلاعان كەزدە مەكتەپتە ەشكىم بولماعان. وقۋشى دا, مۇعالىم دە ءدىن امان.
«اۋليەكول اۋدانىنىڭ نوۆونەجين اۋىلىنداعى ب. كەنجەتاەۆ اتىنداعى نوۆونەجين جالپى ءبىلىم بەرەتىن مەكتەبىنىڭ عيماراتىن كۇردەلى جوندەۋ 2024 جىلدىڭ ماۋسىمىندا باستالعان. الايدا جوندەۋ جۇمىسىن باستاعان قۇرىلىس كومپانياسى ءوز مىندەتىن مەرزىمىندە اياقتاي المادى. «پكف گرەنادا» سەرىكتەستىگىنىڭ اتىنا نارازىلىق نوتاسى جولداندى. مەردىگەردى سوتقا بەرۋ ءۇشىن ماتەريال دايىندالىپ جاتىر. وقىس اپاتتىڭ سەبەبىن ارنايى كوميسسيا انىقتايدى. قىسقا مەرزىم ىشىندە تەحنيكالىق تەكسەرۋ جۇرگىزىلىپ, قورتىندىسى شىعارىلادى. كىنالى ادامدار جاۋاپقا تارتىلادى», دەپ مالىمدەدى وبلىستىق ءبىلىم باسقارماسىنىڭ ءباسپاسوز قىزمەتى.
وقىس اپات بولعان مەكتەپتىڭ وقۋشىلارى قاشىقتان وقۋعا كوشىرىلدى.