قازاقستان وسى جىلدىڭ 1 ناۋرىزىنان باستاپ بىرىڭعاي ۋاقىت بەلدەۋىنە كوشتى. دەسە دە قوعامدا بۇرىنعى ۋاقىتتى كەرى قايتارۋ ماسەلەسى قىزۋ تالقىلانىپ, پەتيتسيا دا جاريالانعان ەدى, دەپ جازادى Egemen.kz.
ساۋدا جانە ينتەگراتسيا ءمينيسترى ارمان شاققاليەۆ بۇگىن ءماجىلىستىڭ جالپى وتىرىسىنان كەيىن كوپشىلىكتىڭ كوكەيىندەگى: «بۇرىنعى ۋاقىت بەلدەۋى قايتارىلا ما؟» دەگەن ساۋالعا جاۋاپ بەردى.
ءمينيستردىڭ ايتۋىنشا, بۇل ماسەلە 3 جىلدان كەيىن عانا قاراستىرىلادى.
«ۋاقىت بەلدەۋىنىڭ ادام اعزاسىنا اسەرى الداعى 3 جىلدا زەرتتەلەدى. دەنساۋلىق ساقتاۋ مينيسترلىگى قوسىمشا زەرتتەۋ جۇرگىزەدى», دەدى ارمان شاققاليەۆ.
بۇعان دەيىن مينيسترلىك بىرىڭعاي ۋاقىت بەلدەۋىنە قارسى 50 مىڭ قول جينالعان پەتيتسيانى قابىلداۋدان باس تارتقان ەدى.