ورتالىق مۋزەيدىڭ ارحەولوگيا ءبولىمىنىڭ ماماندارى تۇركىستان وبلىسى سوزاق اۋدانىنداعى قىزىلكول اۋىلى ماڭىندا ورنالاسقان ارحەولوگيالىق ەسكەرتكىشتەگى دالالىق زەرتتەۋ جۇمىسىن اياقتادى. ناتيجەسىندە, قاڭلى مادەنيەتىنە قاتىستى ءبىزدىڭ زامانىمىزدان بۇرىن ءىى عاسىرعا جاتاتىن بىرەگەي ارتەفاكتىلەر تابىلدى. عالىمداردىڭ پىكىرىنشە, بۇل جەردە عيباداتحانا مەن ەكى قورعان ورنالاسقان.
قازبا جۇمىستارى كەزىندە ءىرى قارا جانە ۇساق مالدىڭ سۇيەكتەرى مەن مۇيىزدەرى, ديىرمەن, كەلى جانە تاعى دا باسقا ەڭبەك قۇرالدارىنىڭ بولىكتەرى, قىش ىدىس تۇتقالارى, كيىمگە ارنالعان تۇيمە سىنىقتارى الىندى. سونىمەن قاتار عيباداتحانانىڭ باتىس بولىگىندە اشىلعان بولمەنىڭ ىشىندە 60 سم تەرەڭدىكتە عۇرىپتىق بۇيىم ىدىسىنىڭ كىشكەنە بولىگى ساقتالعان تسيليندر ءپىشىندى, تابانى جايپاق تۇعىر تابىلدى.
ارحەولوگتەردىڭ ساراپتاۋىنشا, ەسكەرتكىشتىڭ بيىك تاۋلار مەن كولدەرگە جاقىن ورنالاسۋى مەن تابىلعان جادىگەرلەردىڭ تۇرلەرى قۇرىلىستىڭ عۇرىپتىق عيباداتحانا رەتىندە قولدانىلعانىن كورسەتسە, تاس قۇرالدار ەگىنشىلىكتىڭ, اتاپ ايتقاندا, ەگىن جيناۋدىڭ دامىعان ءۇردىسىن كورسەتەدى.
عالىمدار الداعى ۋاقىتتا دا ەسكى ءداۋىر ەسكەرتكىشتەرىن زەردەلەي وتىرىپ, ەلىمىزدىڭ ءار وڭىرىندەگى تاريحي نىسانداردا ارحەولوگيالىق قازبا جۇمىستارىن جۇرگىزۋدى جۇيەلى تۇردە جالعاستىرۋدى جوسپارلاپ وتىر.