بۇگىن ۇكىمەت وتىرىسىندا پرەمەر-ءمينيستردىڭ ءبىرىنشى ورىنباسارى رومان سكليار ەكونوميكانىڭ ناقتى سەكتورىن دامىتۋ بويىنشا وزەكتى ماسەلەلەردىڭ ورىندالۋ بارىسىن باياندادى, دەپ جازادى Egemen.kz.
رومان سكلياردىڭ مالىمدەۋىنشە, 2023 جىلدىڭ قورىتىندىسى بويىنشا حالىقتىڭ 60 پايىزى گازبەن قامتىلعان. وسى جىلدىڭ سوڭىنا دەيىن 300 مىڭنان استام ادام گازبەن قامتىلماق. مەجەنى ورىنداۋ ءۇشىن 1 مىڭ 700 شاقىرىمنان استام گاز جەلىلەرىن جاڭعىرتۋعا 194 ملرد تەڭگە بولىنگەن.
- «بەينەۋ – بوزوي – شىمكەنت 2», «اقتوبە – قوستاناي» جانە «تالدىقورعان – ءۇشارال» گاز قۇبىرلارىن سالۋعا دايىندىق جۇمىستارى جۇرگىزىلىپ جاتىر, - دەدى ر.سكليار.
سونىمەن قاتار قاشاعاندا قۋاتى 1 جانە 2 جارىم ملرد تەكشە مەتر بولاتىن 2 زاۋىت سالىنىپ جاتىر. زاۋىتتار 2026 جانە 2030 جىلدارى پايدالانۋعا بەرىلەدى دەپ جوسپارلانىپ وتىر.
«قاراشىعاناقتا قۋاتى 4 ملرد تەكشە مەتر بولاتىن گاز ءوندىرۋ زاۋىتىن 2028 جىلى ىسكە قوسۋ جوسپارلانىپ وتىر. بۇگىندە الەۋەتتى مەردىگەر انىقتالدى. جاڭاوزەندە گاز وڭدەۋ زاۋىتى بويىنشا پسد ازىرلەۋ باستالدى, دالا جۇمىستارى جۇرگىزىلىپ جاتىر. 2027 جىلى قولدانىسقا ەنگىزۋ جوسپارلانىپ وتىر», دەدى پرەمەر-ءمينيستردىڭ ءبىرىنشى ورىنباسارى.