«جايلى مەكتەپ» ۇلتتىق جوباسىن ىسكە اسىرۋعا بولىنگەن بيۋدجەت قاراجاتىنىڭ ورىندى جۇمسالۋىن قامتاماسىز ەتۋ ماقساتىندا قارجىلىق مونيتورينگ اگەنتتىگى «Samruk-Kazyna Construction» اق-مەن كەزدەسۋ وتكىزدى, دەپ حابارلايدى Egemen.kz قر قما ءباسپاسوز قىزمەتىنە سىلتەمە جاساپ.
قما توراعاسى دميتري مالاحوۆ پرەزيدەنتتىڭ قازاقستان حالقىنا جولداۋىندا ورتا ءبىلىم بەرۋ ساپاسىن ارتتىرۋعا جانە وسكەلەڭ ۇرپاقتى وقىتۋ مەن جان-جاقتى دامىتۋ ءۇشىن لايىقتى جاعدايلار جاساۋعا ەرەكشە نازار اۋدارعانىن اتاپ ءوتتى.
بۇل مىندەتتى ورىنداۋ ءۇشىن «جايلى مەكتەپ» اۋقىمدى جوباسى ىسكە اسىرىلىپ جاتىر, بۇل ماقساتقا 2,3 ترلن تەڭگە بولىندى.
زاماناۋي تالاپتارعا ساي كەلەتىن 369 مەكتەپ سالۋ جوسپارلانىپ وتىر.
«Samruk-Kazyna Construction» اق باسقارما توراعاسى ماۋلەن ايمانبەتوۆ جوبانىڭ ىسكە اسىرىلۋ مارتەبەسى, ونى تسيفرلاندىرۋ كەزەڭدەرى جانە ساپالى ورىندالۋىن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى ايتىپ بەردى.
كەزدەسۋ قورىتىندىسى بويىنشا ەكونوميكالىق جانە قارجىلىق قۇقىق بۇزۋشىلىقتاردىڭ الدىن الۋ بويىنشا بىرلەسىپ جۇمىس جاساۋ مەن ىنتىماقتاستىق تۋرالى مەموراندۋمعا قول قويىلدى.