پاريجدەگى پاراليمپيادادا بۇگىن قازاقستاننان كىمدەر جارىس جولىنا شىعادى

جەكسەنبىدە قازاقستاننان ءبىرىنشى بولىپ پاراليمپيادانىڭ "كۇمىسىن" جەڭىپ العان مەرگەن ەركىن عاباسسوۆ ونەر كورسەتەدى.

ساعات 12.30-دا عابباسوۆ ارالاس رە, 10 مەترگە پنەۆماتيكالىق مىلتىقتان وق اتۋدا سايىسقا تۇسەدى. بۇل ىرىكتەۋ كەزەڭى بولادى.

SH1 ساناتى – تىرەك-قيمىل اپپاراتى زاقىمدانعان, قارۋدى قوسىمشا قولداۋسىز ۇستاۋعا قابىلەتتى سپورتشىلار.

ءجۇزۋ

بۇدان ءارى ساعات 12.47-دە زۋلفيا عابيدۋللينا قازاقستان اتىنان پاراجۇزۋدەن شىعادى. ول 150 مەترگە كەشەندى ستيلدە جۇزەدى.

SM4 ساناتى – جۇزۋدە قولداناتىن قولدىڭ السىزدىگى از سپورتشىلار.

تەننيس

ساعات 23.00-دە ۇستەل تەننيسى باستالادى. 1/16 فينالدا قازاقستاندىق ءالي ماقۇلبەكوۆ بەلگيالىق مارك لەدۋمەن كەزدەسەدى.

MS8 ساناتى – اياقتىڭ نەمەسە ويىن قولىنىڭ ورتاشا زاقىمى بار سپورتشىلار.

بۇعان دەيىن كاميلا دوسمالوۆا پاراليمپيادا ويىندارىندا برازيليالىق سپورتشى سيلۆانا مايارە كاردوزو فەرناندەسكە قولا مەدال ءۇشىن 28:3 ەسەبىمەن جەڭىلىپ, وليمپيادانى اياقتاعان بولاتىن.

ءبىرىنشى كۇنى ۆولەيبولدان قازاقستان قۇراماسى پاراليمپياداداعى قارسىلاستارىن جەڭگەن.

بۇعان دەيىن قازاقستاندىق سپورتشى ميلانا كراساۆتسەۆا پاريجدەگى پاراليمپياداداعى العاشقى جەكپە-جەكتە دومينيكان رەسپۋبليكاسىنىڭ قارسىلاسى ەليزابەت دياستى جەڭگەن بولاتىن.

ۇلتتىق پاراليمپيادا كوميتەتىنىڭ پرەزيدەنتى قايرات بورانباەۆ قازاقستاندىق پاراليمپياداشىلاردى پاريجدەگى ويىنداردا ونەر كورسەتۋ بارىسىندا قولداۋعا شاقىرادى.

وتكەن تۇندە پاريجدە پاراليمپيادا ويىندارىنىڭ اشىلۋ سالتاناتى ءوتتى.