سينوپتيكتەر ەلىمىزدە قىركۇيەك ايىندا اۋا رايى قانداي بولاتىنىن بولجادى

"قازگيدرومەت" رمك مالىمەتىنشە, قىركۇيەك ايىندا ەلىمىزدىڭ باسىم بولىگىندە سالقىن ءارى جاڭبىرلى بولادى. ايدىڭ باسىندا عانا قازاقستاننىڭ باتىسىندا اۋا رايى جاۋىن-شاشىنسىز بولادى.

قىركۇيەك ايىندا ەلىمىزدىڭ سولتۇستىك بولىگىندە ءجيى جاۋىن-شاشىن بولادى دەپ كۇتىلەدى. اراسىندا 1-3 كۇن كۇن اشىق بولادى. كەيبىر كۇندەرى رەسپۋبليكامىز بويىنشا نايزاعاي ويناپ, بۇرشاق ءتۇسىپ, ەكپىندى جەل تۇرىپ, جاڭبىر جاۋادى دەپ بولجانادى. ەلىمىزدىڭ سولتۇستىگىندە تۇمان ءجيى تىركەلەدى دەپ كۇتىلەدى.

قىركۇيەكتىڭ ءبىرىنشى ونكۇندىگىندە مىنا وڭىرلەردە اۋا رايى مىنانداي بولادى دەپ بولجانادى:

ەلدىڭ باتىسىندا تۇندە: +8...+15°س, كۇندىز: +23...+30°س;

رەسپۋبليكامىزدىڭ وڭتۇستىك-باتىسىندا تۇندە: +17...+25°س, كۇندىز: +28...+35°س, تەك جەكەلەگەن كۇندەرى – سىناپ باعانى شامالى تومەندەيدى;

اقتوبە وبلىسىندا اۋا تەمپەراتۋراسى تۇندە: +3...+10°س-تان +10...+15°س, كۇندىز: +17...+25 °س-تان +22...+27°س ارالىعىندا اۋىتقيدى;

قوستاناي وبلىسىندا تۇندە: +2...+7°س, توپىراق بەتى قاتادى, +8...+13°س, كۇندىز: +10...+18°س, +17...+25°س;

قازاقستاننىڭ سولتۇستىك جانە ورتالىق وڭىرلەرىندە تۇندە: +2...+10°س, كۇندىز: +8+15°س, ونكۇندىكتىڭ سوڭىنا قاراي سىناپ باعانى اقىرىنداپ شامالى كوتەرىلەدى دەپ كۇتىلەدى;

رەسپۋبليكامىزدىڭ شىعىسىندا اۋا تەمپەراتۋراسى تۇندە: +8...+16°س-تان +2+7°س ارالىعىندا اۋىتقيدى دەپ كۇتىلەدى, ونكۇندىكتىڭ ەكىنشى جارتىسىندا كۇن كۇرت سۋىتۋى مۇمكىن, كۇندىز: +12+23°س-تان +17+25°س ارالىعىندا اۋىتقيدى;

ەلىمىزدىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسى كۇندىز: +22...+30°س-تان +17+23°س-قا دەيىن تومەندەيدى دەپ بولجانادى.

قىركۇيەكتىڭ ەكىنشى جانە ءۇشىنشى ونكۇندىكتەرىندە:

رەسپۋبليكامىزدىڭ سولتۇستىگىندە, ورتالىعىندا جانە شىعىسىندا تۇندە سىناپ باعانى +3...+8°س كورسەتەدى, جەكەلەگەن اۋدانداردا كۇن كۇرت سۋىتۋى مۇمكىن, كۇندىز اۋا تەمپەراتۋراسى +12...+19°س-تان +21...+26°س-قا دەيىن قىزادى;

ەلىمىزدىڭ باتىسىندا جانە وڭتۇستىك ايماقتارىندا اۋا تەمپەراتۋراسى تۇندە: +7...+15°س, ايدىڭ ەكىنشى جارتىسىندا توپىراق بەتى قاتۋى مۇمكىن, كۇندىز اۋا تەمپەراتۋراسى +25...+35°س-تان +15...+23°س-قا دەيىن ارالىعىندا اۋىتقيدى دەپ كۇتىلەدى.

قىركۇيەكتىڭ ءۇشىنشى ونكۇندىگىندە سولتۇستىك, ورتالىق جانە شىعىس ايماقتاردا جاڭبىردىڭ سوڭى قارعا ۇلاسۋى مۇمكىن.