بۇگىن - ءبىلىم كۇنى

جاڭا 2024-2025 وقۋ جىلىندا ەلىمىزدە 3,9 ميلليوننان استام وقۋشى مەكتەپكە بارادى, ونىڭ 352-ءسى - ءبىرىنشى سىنىپ وقۋشىلارى.

ايتا كەتەيىك, بيىل كۇردەلى جوندەۋدەن وتكەن 178 مەكتەپ 1 قىركۇيەكتە اشىلماق. جاڭعىرتۋ جۇمىستارى جۇرگىزىلگەن 1 مىڭعا جۋىق اۋىلدىق ورتا ءبىلىم بەرۋ مەكەمەسى دە ءوز جۇمىسىن باستايدى. سونىمەن قاتار مەملەكەت باسشىسىنىڭ تاپسىرماسى بويىنشا 1,7 ملن وقۋشى تەگىن ىستىق تاماقپەن قامتىلادى, بۇل وتكەن جىلمەن سالىستىرعاندا 300 مىڭ بالاعا ارتىق. الەۋمەتتىك جاعىنان وسال وتباسىلاردان شىققان 510 مىڭنان استام وقۋشى وقۋ قۇرالدارىن ساتىپ الۋعا كومەك العان.

ەسكە سالا كەتەيىك, بيىل ينكليۋزيۆتى مەكتەپتەردىڭ ۇلەسى 88%-عا, ال بالالاردى ارنايى قولداۋمەن قامتۋ دەڭگەيى 80%-عا دەيىن ءوستى. سونداي-اق, پيلوتتىق رەجيمدە پسيحولوگيالىق-پەداگوگيكالىق قولداۋدىڭ ءۇش دەڭگەيلى مودەلى ەنگىزىلىپ, ەرەكشە قاجەتتىلىكتەرى بار بالالارمەن جۇمىس ىستەۋگە ارنالعان قولداۋ كابينەتتەرى مەن جەكە باعدارلامالارعا جاڭا تالاپتار ازىرلەنگەن.

سونىمەن قاتار 1 قىركۇيەكتەن باستاپ 300 مىڭنان استام كوللەدج ستۋدەنتىنىڭ شاكىرتاقىسى 50%-عا ارتادى.