قازاقستان نامىسىن قورعاعان الەمنىڭ ءتورتىنشى راكەتكاسى ەلەنا رىباكينا چەمپيوناتتىڭ ەكىنشى اينالىمىندا فرانتسيانىڭ 27 جاستاعى وكىلى دجەسسيكا پونشەمەن كورتقا شىعۋى كەرەك ەدى. الايدا ويىنعا ءبىر ساعات قالعاندا سپورتشى ءوز جاراقاتىنا بايلانىستى جارىسقا قاتىسپايتىنىن مالىمدەدى, دەپ حابارلايدى Egemen.kz.
«جاراقاتتارىما بايلانىستى باس تارتۋعا ءماجبۇر بولدىم. وسى ماۋسىمداعى سوڭعى «ۇلكەن دۋلىعا» ءتۋرنيرىن وسىلاي اياقتاعىم كەلمەگەن ەدى. الايدا دەنساۋلىعىما قاراۋىم كەرەك بولدى. جىل سوڭىنداعى جارىستاردى ءساتتى وتكىزەمىن دەپ ويلايمىن. مەنى قولداعان جانە قولداپ جاتقان بارلىق جانكۇيەرلەرىمە العىس بىلدىرەمىن. ال قالعان ويىنشىلارعا ساتتىلىك تىلەيمىن», دەدى ەلەنا رىباكينا.
ەسكە سالا كەتەيىك, ەلەنا رىباكينا ۋيمبلدون تۋرنيرىنەن كەيىن برونحيتپەن اۋىرىپ, دارىگەرلەر وعان كورتقا شىعۋعا تىيىم سالعانىن ايتىپ, بيىل پاريجدە وتكەن وليمپيادا ويىندارىنان باس تارتقان ەدى.