سىرداعى جاساندى ينتەللەكت مەكتەبى

بىرلەسكەن باستامانىڭ نە­گىزى كورەيادان كەل­­گەن دەلەگاتسيا قىزىلوردا جەرىندە كوز جۇم­عان ۇلت­تىق باتىرى, گە­نەرال حون بوم دونىڭ سۇيەگىن تاريحي وتا­نىنا الىپ قايتقان 2021 جىلى قالانىپ ەدى. قاراپايىم وتبا­سىندا تۋىپ, ەلىنىڭ ۇلتتىق باتىرى اتانعان گەنەرال جاپون وككۋپانتارىنا قارسى العاش پارتيزاندىق قوزعالىس قۇرعان قاھارمان. ەلىنىڭ تاۋەلسىزدىگى ءۇشىن كۇرەسكەن ول وتكەن عاسىر­دىڭ جيىرماسىنشى جىلدارى كەڭەس وداعى اۋماعىنا بوي تاسالاپ, كەيىننەن قىزىلورداعا تۇراقتايدى. سىر بويىندا ومىردەن ءوتىپ, جەر قوينىنا تاپسىرىلادى.

وتكەن جىل ورتاسىنداعى كورەياعا ساپارىندا وبلىس اكىمى نۇرلىبەك نالىباەۆ باس­تاعان قىزىلوردالىق دەلەگاتسيا سەۋل ۇلتتىق عى­لىم جانە تەحنولوگيالار ۋنيۆەر­سي­تەتىنىڭ پرەزيدەنتىمەن كەز­دە­سىپ, ارىپتەستىككە قاتىستى ماسەلەلەردى جان-جاقتى تالقى­لا­دى. وسىلايشا, بىلتىر قور­قىت اتا اتىنداعى قىزىلوردا ۋنيۆەرسيتەتىندە سەۋل ۇلتتىق عىلىم جانە تەحنولوگيالار ۋني­ۆەر­سيتەتىنىڭ جاساندى ينتەللەكت جانە ينفورماتيكا جوعارى مەكتەبى اشىلدى.

جاساندى ينتەللەكت تەحنو­لو­گيا­لارىنىڭ دامۋى ەل بولا­شاعى ءۇشىن ستراتەگيالىق ما­ڭىزدى باعىتقا اينالۋعا ءتيىس. وسىعان وراي مەملەكەت باسشىسى ەلىمىز­دە كەم دەگەندە 3 جوعارى وقۋ ورنى وسى سالامەن اينالىسۋى كەرەكتىگىن دە تاپسىرعان بولاتىن. قىزىلور­دا­داعى جاساندى ينتەللەكت مەكتەبى – وسى تاپسىرما اياسىندا جۇزەگە اسقان العاشقى جوبا.

جەرگىلىكتى ۋنيۆەرسيتەتتەگى بۇل جاڭالىق – ەلىمىزدىڭ ءبىلىم كەڭىستىگىندەگى ۇلكەن جەتىس­تىك. وسى ارقىلى ەكونوميكا, اۋىل شارۋا­شىلىعى سالاسىندا جوعارى كورسەتكىشتەرگە قول جەتكىزۋ­دەن بولەك, ءبىلىم, عىلىم, IT-تەحنولوگيا, كيبەر­قاۋىپسىزدىك جانە كومپيۋ­تەرلىك عىلىمدار باعى­تىندا دا باستامالار جۇزە­گە اسپاق.

وسىلايشا, بىلتىرعى قىر­كۇيەكتەن IT-ماماندىقتارى بويىنشا وقۋعا قابىلدانعان, سەۋلتەح باعدارلاماسى بو­يىنشا ىرىكتەلىپ الىنعان 1-كۋرس ستۋدەنتتەرى ءتىل ۇيرەنۋدى باستادى. قازىر ولار جالپى ءبىلىم بەرەتىن پاندەردى وقىپ, اعىلشىن جانە كورەي تىل­دە­رىندە جەدەلدەتىلگەن ءتىل ۇيرە­تۋ كۋرستارىنان ءوتىپ جاتىر. ستۋدەنتتەردى كورەي تىلىنە وڭتۇس­تىك كورەيادان كەلگەن ەرىك­تى مۇعالىمدەر وقىتادى.

بولاشاقتا ستۋدەنتتەر مەن پروفەسسورلىق-وقىتۋشىلار قۇ­را­مى اكادەميالىق ۇتقىر­لىق جانە بىرلەسكەن ءبىلىم باع­دار­لامالارى بويىنشا سەۋلدە عىلىمي تاعىلىم­دا­ما­دان وتە الادى. سونىمەن قاتار ءبىلىم مەن تاجىريبە الماسىپ, بيزنەس-ينكۋباتوردا ستار­تاپتار جاساۋ ءۇشىن سەۋلتەح وقىتۋشىلارى قىزىلورداعا شاقىرىلادى. ەكى وقۋ ورنى اراسىنداعى كەلىسىم بويىنشا تۇلەكتەر جەرگىلىكتى ۋنيۆەرسيتەتتەن بولەك سەۋلتەح ديپلومىن يەلەنەدى. اتالعان مامان­دىقتارعا ارنالعان زاماناۋي زەرت­حانالار جاساقتالىپ, ولار كورەيادا شىققان سەرۆەرلەر, وزىق جابدىقتار جانە باعدار­لامالارمەن قام­تى­لادى.

جالپى, كورەيا IT سالاسى قارىشتى دامىعان مەملەكەتتەر قاتارىندا تۇر. وزىق تەحنولوگيالار ءوندىرىسى بويىنشا دا الەمدە الدىڭعى ورىندا. بۇگىندە 1910 جىلى قۇرىلعان سەۋل ۇلتتىق عىلىم جانە تەحنولوگيا ۋنيۆەرسيتەتىندە 13 مىڭعا جۋىق ستۋدەنت ءبىلىم الادى. 23 فاكۋلتەت, 6 كوللەدجى مەن جەكە تەحنوپاركى بار ۋنيۆەرسيتەت – سول ەلدەگى ىرگەلى وقۋ ورىندارىنىڭ ءبىرى.

ماماندار ءىت-ماماندىق­تاردى ەنگىزۋ ارقىلى كوپتەگەن جاس­تى جۇمىسپەن قامتا­ماسىز ەتە الاتىنىمىزدى ايتادى. زاماناۋي باسەكەگە قابى­لەتتى جوعارى وقۋ ورنىنىڭ قۇ­رىلۋى ادامي كاپيتالدىڭ قا­­لىپ­تا­سۋى­نا ىقپال ەتىپ, قى­زىل­ور­دا وبلىسىنىڭ الەۋ­مەت­­تىك-ەكونوميكالىق دامۋىنا وڭ اسەرىن تيگىزەدى.

وسى كۇنى الداعى 10-20 جىلدان كەيىن كوپتەگەن مامان­دىق جويىلىپ, ولاردىڭ ورنىن ۇدەرىستەردى اۆتوماتتاندىرۋ باساتىنىن بولجايتىندار كوپ. ال سىرداعى جاساندى ينتەللەكت مەكتەبى – وسى وزىق تەح­نولوگياعا جول سالاتىن سوقپاق.

قىزىلوردا