ەل يگىلىگىنە ەلۋ پاتەر بەرىلدى

وبلىس باسشىسى باس­پانالى بولعان ازاماتتاردى قۇتتىقتاپ, وڭىردە كەيىنگى ەكى جىلدا 4 مىڭعا جۋىق پاتەر تابىستالىپ, 17 مىڭ تۇر­عىننىڭ باسپانا ماسەلەسى شە­شىل­گەنىن اتاپ ءوتتى.

«بيىل تۇرعىن ءۇي قۇرىلىسىنا جانە دايىن پاتەرلەر ساتىپ الۋ­عا 34,1 ملرد تەڭگە بولىنگەن. جىل باسىنان بەرى 600-دەن اسا وتبا­سى قونىستويىن تويلادى. بۇگىن وزدەرىڭىزبەن بىرگە تاعى 50 وتباسىنىڭ قۋانىشىنا جينالىپ تۇرمىز. شاڭىراقتارىڭىز جىلۋلىق پەن مەيىرىمگە, بالا­لار­­دىڭ شات كۇلكىسىنە تولسىن», دەدى وبلىس باسشىسى.

سالتاناتتى ءىس-شارادا قوعام قايراتكەرى, قىزىلوردا وبلى­سى­نىڭ قۇرمەتتى ازاماتى بيعالي قايۋپوۆ پەن ءماجىلىس دەپۋتاتى مارحابات جايىمبەتوۆ جەر­لەس­تەرىن قۇتتىقتاپ, باسپانالى بول­عان ايگۇل احمەتوۆا قۋا­نى­شىن جەتكىزدى.

پاتەر كىلتىن العاندار اراسىندا كوپبالالى, تولىق ەمەس وتباسىلار, جەتىم, اتا-انا قام­قور­­لى­عىنسىز قالعان بالالار, اۋعان سوعى­سىنىڭ ارداگەرى, ءى-ءىى-توپ مۇگە­دەكتەرى, وزگە دە الەۋ­مەتتىك توپ وكىلدەرى بار.

كىلت تابىستاۋ راسىمىنەن كەيىن ءوڭىر باسشىسى تۇرعىندارمەن كەزدەسىپ, اۋداننىڭ الەۋمەتتىك-ەكو­نوميكالىق دامۋ مۇمكىندىگىن تال­­قىلادى. بيىل ءدۇر وڭعار اۋى­­­­لىنا, جوسالى كەنتىندەگى «تا­ۋەل­­سىزدىك» شاعىن اۋدانىنا گاز جەت­­كىزىلەدى. كومەكباەۆ, اقتوبە اۋىل­دارىنىڭ ەلەكتر جەلىلەرى قايتا جاڭعىرتىلادى, 2 ملرد 958 ملن تەڭگەگە اۋدانداعى 46,3 شاقىرىم كوشە جوندەۋدەن وتكەن.

«اۋىل – ەل بەسىگى» باعدار­لا­ماسىمەن ءدۇر وڭعار, ءىىى ينتەر­نا­تسيو­نال جانە اقاي اۋىل­دارىندا دەنە شىنىقتىرۋ كەشەن­دە­رى سالىنىپ جاتىر.

قىزىلوردا وبلىسى,

قارماقشى اۋدانى