بۇگىن, 27 تامىزدا پرەمەر-ءمينيستردىڭ ورىنباسارى سەرىك جۇمانعاريننىڭ توراعالىعىمەن سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسى ءوتتى, دەپ جازادى Egemen.kz.
ىشكى نارىقتى مۇناي ونىمدەرىمەن قامتاماسىز ەتۋ ماقساتىندا قازاقستان اۋماعىنان بەنزيندى, ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن اۆتوموبيل كولىگىمەن اكەتۋگە تىيىم سالۋ شەشىمى ۇزارتىلدى.
جيىندا قازاقستان اۋماعىنا الما اكەلۋگە تىيىم سالۋ ماسەلەسى دە قارالدى. اۋىل شارۋاشىلىعى مينيسترلىگىنىڭ مالىمەتىنشە, بيىل 300 مىڭ توننا الما جينالادى دەپ بولجانىپ وتىر.
ال 2024 جىلى الما باقتارى تولىق جەمىس بەرىپ, ءونىمدى 18%-عا ارتتىرۋ جوسپارلانعان. بۇل كورسەتكىش ىشكى نارىقتى تولىق قامتي الادى. تالقىلاۋ قورىتىندىسى بويىنشا جىل سوڭىنا دەيىن قازاقستان اۋماعىنا ءۇشىنشى ەلدەردەن اۆتوموبيل كولىگىمەن الما اكەلۋگە ۋاقىتشا تىيىم سالۋ تۋرالى شەشىم قابىلداندى.
سونداي-اق ۆەدومستۆوارالىق كوميسسيانىڭ وتىرىسىندا بىرقاتار تاۋارعا ەكسپورتتىق كەدەندىك باج سالىعىن ەنگىزۋ جونىندەگى ۇسىنىستار قارالدى. شيكiزات تاۋارلارىن iشكi قايتا وڭدەۋدi ۇلعايتۋ جانە وتاندىق كاسiپورىنداردى بيۋدجەتتiڭ كiرiس بولiگiن ۇلعايتاتىن شيكiزاتپەن قامتۋ ماقساتىندا قارجى مينيسترلىگi بەلگiلi بiر شيكiزات تاۋارلارىنا ەسا بەلگiلەۋ جونiندە ۇسىنىس ەنگiزدi.