26 تامىز كۇنى ءبورلى اۋداندىق پوليتسيا ءبولىمىنىڭ قىزمەتكەرلەرى ەسىرتكى زاتتارىن جاسىرۋمەن اينالىسقان 18 جاستاعى ستۋدەنتتى ۇستادى, دەپ حابارلايدى Egemen.kz Polisia.kz-كە سىلتەمە جاساپ.
انىقتالعانداي, 18 جاستاعى ستۋدەنت ورال قالاسىنداعى كوللەدجدەردىڭ بىرىندە وقيدى. ونى جەكە تەكسەرۋ كەزىندە ىشىندە اق ءتۇستى ۇنتاق تارىزدەس زات سالىنعان 36 زيپ-پاكەت تابىلىپ, تاركىلەنگەن.
تاركىلەنگەن زاتتار ساراپتاماعا جىبەرىلگەن. سونىمەن قاتار كۇدىكتى ۇستالعان كەزدە 4 زيپ-پاكەتتى جاسىرىپ ۇلگەرگەنى انىقتالدى.
ايتا كەتەيىك, اتالعان فاكتى بويىنشا قىلمىستىق ءىس قوزعالىپ, كۇدىكتى ۋاقىتشا ۇستاۋ يزولياتورىنا قامالدى.