كەشە الەۋمەتتىك جەلىدە اقتاۋدا ءجۇرىپ بارا جاتقان كولىكتەن ءسابيدىڭ جول ورتاسىنا ءتۇسىپ قالعانى تۇسىرىلگەن ۆيدەو تاراعان ەدى. قالالىق پوليتسيا باسقارماسى كولىك تىزگىندەگەن كەلىنشەكتىڭ جەكە-باسى انىقتالعانىن حابارلادى, دەپ جازادى Egemen.kz lada.kz-كە سىلتەمە جاساپ.
وسى وقيعاعا بايلانىستى جۇرگىزۋشىگە قاتىستى «جول قوزعالىسى ەرەجەلەرىندە كوزدەلگەن جولاۋشىلار مەن جۇكتەردى تاسىمالداۋ, قاۋىپسىزدىك بەلدىگىن پايدالانۋ تالاپتارىن ورىنداماۋ» بابى بويىنشا اكىمشىلىك حاتتاما تولتىرىلعان.
سونداي-اق جۇرگىزۋشىگە بەس ايلىق ەسەپتىك كورسەتكىش كولەمىندە, ياعني 18 480 تەڭگە ايىپپۇل سالىنعان.