1 قىركۇيەكتەن باستاپ الماتىدا كوممۋنالدىق تولەم قۇنى قىمباتتايدى. سۋىق سۋ باعاسى 66 تەڭگەگە جەتسە, جىلۋ قۇنى 6 پايىزعا وسەدى. بۇل تۋرالى سالا ماماندارى وتكىزگەن باسقوسۋدا بەلگىلى بولدى, دەپ حابارلادى Egemen.kz.
تاريف قۇنىنىڭ ءوسۋى قالاداعى جىلۋ جەلىلەرىنىڭ – 57,9, سۋ جەلىسىنىڭ – 54,3 كارىز جەلىسىنىڭ – 57 پايىزعا توزۋىمەن بايلانىستى بولىپ وتىر. ماماندار باعا كوتەرىلسە, سۋ مەن جىلۋ جەلىلەرىنىڭ توزۋىن 3 پايىزعا, قالعان ينجەنەرلىك جەلىلەردىڭ توزۋ دەڭگەيىن 1,2 پايىزعا تومەندەتۋگە بولاتىنىن ايتتى.
- 2025 جىلى سۋ جەلىلەرىنىڭ كەم دەگەندە 104, سونداي-اق جىلۋ جەلىسىنىڭ 39 جانە ەلەكتر جەلىسىنىڭ 120 شاقىرىمىن جوندەمەكپىز. قالالىق كوممۋنالدىق كاسىپورىن قىزمەتكەرلەرىنىڭ ەڭبەكاقىسىن كوتەرىپ, بىلىكتى ماماندار قاتارىن ۇلعايتۋىمىز كەرەك, – دەدى ەنەرگەتيكا جانە سۋمەن جابدىقتاۋ باسقارماسى باسشىسىنىڭ ورىنباسارى نۇرباقىت سەرىكباي.
ال شاھاردىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ كوممۋنالدىق قىزمەتتەردىڭ وسۋىنە بايلانىستى 2023 جىلدان بەرى الەۋمەتتىك وسال توپتىڭ قاتارىنداعى ادامدارعا وتەماقى بەرىلىپ كەلگەنىن اتاپ ءوتتى. 0,8 ايلىق ەسەپتىك كورسەتكىش مولشەرىندەگى الەۋمەتتىك تولەمدى 140 مىڭنان استام ازامات العان.
- وتەماقىنى الىپ جاتقان ازاماتتارعا قۇجات وتكىزۋ قاجەتەمەس. ال جاڭادان قوسىلعان الماتىلىقتار اۋدان اكىمدىكتەرىنە بارىپ, قوسىمشا الگورتيم بويىنشا قۇجاتتارىن تاپسىرادى, ءوتىنىم بەرەدى, – دەدى باۋىرجان جاۋباسوۆ.