وزبەكستان ۇلتتىق اقپارات اگەنتتىگى جاساندى ينتەللەكت نەگىزىندە سوبير حولداروۆ ەسىمدى ارنايى روبوت-ءتىلشىنى جاساپ شىعاردى, دەپ حابارلايدى Egemen.ءkz وزا-عا سىلتەمە جاساپ.
روبوت-ءتىلشى رەسمي اقپارات پەن سوڭعى جاڭالىقتاردى توعىز تىلدە, اتاپ ايتقاندا, وزبەك, قازاق, اعىلشىن, ورىس, فرانتسۋز, اراب, قىتاي, نەمىس, يسپان تىلدەرىندە تاراتادى.
روبوت-تىلشىگە سوبيرا حولداروۆا دەگەن ەسىمنىڭ بەرىلۋى كەزدەيسوق ەمەس. ول ورتالىق ازيا مەن وزبەكستانداعى العاشقى كاسىبي جۋرناليست ايەل بولعان. جاساندى ينتەللەكت نەگىزىندە روبوت-كوررەسپوندەنت جاساۋ ءۇشىن جۋرناليست ديلدورا ابدۋحاليلوۆانىڭ ءپروتوتيپى پايدالانىلعان.
سىناق رەجيمىندە ىسكە قوسىلعان جاساندى ينتەللەكت بەينە ماتەريالداردىڭ اۋقىمىن بىرتىندەپ كەڭەيتۋدى جوسپارلاعان.
جاساندى ينتەللەكت ارقىلى بەينەرەپورتاجداردى جاساۋ, ارينە, ۇلكەن مۇمكىندىك, دەگەنمەن ونىڭ وزىندىك تاۋەكەلدەرى دە بار. ويتكەنى, شابۋىلداۋشىلار جالعان جاڭالىقتارعا نەگىزدەلگەن بەينەلەردى جاساپ, اگەنتتىك اتىنان ينتەرنەتتە تاراتا الادى. سوندىقتان وزبەكستان ۇلتتىق اقپارات اگەنتتىگىنىڭ اتىنان جالعان ۆيدەولار تارالسا, ولاردىڭ شىنايىلىعىن تەكسەرۋگە بولاتىندىعى اتاپ ءوتىلدى.
ول ءۇشىن ءاربىر ۆيدەوعا ارنايى QR-كود قويىلىپ, وسى QR-كودتاعى سىلتەمەنى بەلسەندىرۋ ارقىلى ءوزا-نىڭ رەسمي سايتىندا سول بەينەنىڭ ءماتىنىن وقۋعا بولادى. ەگەر جاساندى ينتەللەكت كومەگىندە جاسالعان تاسپادا QR-كودى بولماسا نەمەسە سىلتەمە ءوزا سايتىن كورسەتپەسە, بۇل جالعان بەينەتاسپا ەكەنىن بىلۋگە بولادى.