قوستانايدا ينتەرنەتتە زيان كومپيۋتەرلىك باعدارلاما تاراتۋمەن اينالىسقان 24 جاستاعى جەرگىلىكتى تۇرعىن سوتتالدى, دەپ حابارلايدى Egemen.kz Polisia.kz-كە سىلتەمە جاساپ.
انىقتالعانداي, زيان كومپيۋتەرلىك باعدارلاما ينتەرنەت پايدالانۋشىلاردىڭ جەكە دەرەكتەرىن (لوگيندەر, پارولدەر, IP-مەكەنجايلار) الۋعا مۇمكىندىك بەرەدى. ولاردى ينتەرنەت-الاياقتار قىلمىستىق جولمەن پايدا تابۋ ءۇشىن قولدانا الاتىنى بەلگىلى بولدى.
سونىمەن قاتار سوتقا دەيىنگى تەرگەۋ ماتەريالدارى تۇرعىننىڭ زاڭسىز تۇردە زيان باعدارلامالار جاساۋعا ۇيرەتۋ بويىنشا ءوز قىزمەتتەرىن ساتقانى انىقتالعان.
ناتيجەسىندە جەرگىلىكتى تۇرعىن Nº2 سوت ۇكىمىمەن كىنالى دەپ تانىلىپ, ءبىر جىلعا باس بوستاندىعىن شەكتەۋگە, 100 ساعاتقا ءماجبۇرلى ەڭبەككە جانە 15 اەك (55380 تەڭگە) ايىپپۇل سالۋعا, بارلىق كومپيۋتەرلىك تەحنيكانى الىپ قويۋعا ۇكىم شىعارىلدى.
ۇكىم زاڭدى كۇشىنە ەندى.