«قازگيدرومەت» رمك 19 تامىزعا ارنالعان اۋا رايى بولجامىن جاريالادى, دەپ حابارلايدى Egemen.kz.
سينوپتيكتەردىڭ مالىمەتىنشە, 19 تامىز كۇنى سولتۇستىك-باتىس تسيكلونىنىڭ اسەرىنەن قازاقستاننىڭ باسىم بولىگىندە كۇن قۇبىلىپ تۇرادى, نايزاعاي ويناپ, بۇرشاق جاۋادى جانە داۋىل تۇرادى, جاڭبىر جاۋادى, ەلدىڭ سولتۇستىك-باتىسىندا, شىعىسىندا, وڭتۇستىك-شىعىسىندا قاتتى جاڭبىر جاۋادى. رەسپۋبليكا بويىنشا جەل كۇشەيىپ, ەلدىڭ سولتۇستىگىندە, سولتۇستىك-باتىسىندا – تۇندە جانە تاڭەرتەڭ تۇمان تۇسەدى.
اتىراۋ, اباي وبلىستارىندا, ۇلىتاۋ وبلىسىنىڭ سولتۇستىگىندە, باتىس قازاقستان وبلىسىنىڭ وڭتۇستىگىندە, شىعىسىندا, ورتالىعىندا, ماڭعىستاۋ وبلىسىنىڭ باتىسىندا, وڭتۇستىك-شىعىسىندا, شىعىس قازاقستان وبلىسىنىڭ سولتۇستىك-باتىسىندا جوعارى ءورت قاۋپى ساقتالادى.
قىزىلوردا, تۇركىستان, جامبىل وبلىستارىندا, الماتى وبلىسىنىڭ باتىسىندا, سولتۇستىگىندە, جەتىسۋ وبلىسىنىڭ وڭتۇستىگىندە, وڭتۇستىك-شىعىسىندا, ماڭعىستاۋ وبلىسىنىڭ سولتۇستىك-باتىسىندا, ورتالىعىندا, اتىراۋ وبلىسىنىڭ وڭتۇستىك-باتىسىندا, سولتۇستىك-شىعىسىندا, شىعىس قازاقستان وبلىسىنىڭ وڭتۇستىگىندە, ورتالىعىندا, قاراعاندى وبلىسىنىڭ شىعىسىندا, وڭتۇستىگىندە, ۇلىتاۋ وبلىسىنىڭ وڭتۇستىگىندە, اباي وبلىسىنىڭ باتىسىندا, سولتۇستىك-باتىسىندا, وڭتۇستىگىندە توتەنشە ءورت قاۋپى ساقتالادى.