پاۆلودار وبلىسى ماي اۋدانى جۇمىسكەر اۋىلىنىڭ ماڭىندا جاڭا سۋ قويماسى سالىنادى. بۇل تۋرالى جاۋاپتى مينيسترلىك حابارلادى, دەپ جازادى Egemen.kz.
سۋ قويماسى 2,5 ملرد تەكشە مەتر سۋ جيناۋعا قاۋقارلى بولماق. سونداي-اق وڭىردەگى №87 اپاتتىق بوگەت پەن №4 سۋ تورابى قايتا جاڭعىرتىلادى.
«سۋارۋ جۇيەلەرىن, ونىڭ ىشىندە «ەرتىس-ۋسپەنكا» كانالىن, اققۋلى اۋدانىنىڭ لەبياجى سۋارۋ جۇيەسىن, اققۋلى, ەرتىس, پاۆلودار, اقتوعاي اۋداندارىندا جانە ەكىباستۇز قالاسىندا ليماندى سۋارۋ جۇيەلەرىن اۋقىمدى رەكونسترۋكتسيالاۋ دا جوسپاردا بار. وڭىردەگى سۋ ۇنەمدەۋ تەحنولوگيالارىن قولداناتىن ەگىس القاپتارىن 141 مىڭ گەكتارعا دەيىن ۇلعايتۋ مىندەتى قويىلدى», دەدى وبلىس تۇرعىندارىمەن كەزدەسۋدە سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.