ەمحانالار مەن ستاتسيونارلارداعى مەديتسينالىق كومەككە قولجەتىمدىلىكتى ارتتىرۋ ماقساتىندا دەنساۋلىق ساقتاۋ مينيسترلىگى حالىقارالىق ستاندارتتارعا ساي دياگنوستيكالىق راسىمدەردى وڭتايلاندىرۋ جۇمىستارىن جۇرگىزدى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
مينيسترلىكتىڭ حابارلاۋىنشا, جاڭا ستاندارتقا سايكەس جالپى تىزىمدە ستاتسيونارلىق جاعدايدا سوماتيكالىق بەيىندەگى ناۋقاستاردى ەمدەۋگە قاجەت نەگىزگى 13 زەرتتەۋ انىقتالعان.
سونداي-اق بىرقاتار زەرتحانالىق اسپاپتىق زەرتتەۋلەر ناتيجەلەرىنىڭ جارامدىلىق مەرزىمى 10 كۇننەن 14 كۇنگە دەيىن, 1 ايدان 6 ايعا دەيىن ۇزارتىلعان. بۇل گوسپيتاليزاتسياعا دايىندىق ۇدەرىسىن ايتارلىقتاي قىسقارتۋعا سەپتىگىن تيگىزەتىنى اتاپ ءوتىلدى.
وسىلايشا, دياگنوستيكالىق راسىمدەردى ستاندارتتاۋ مەن وڭتايلاندىرۋ قاجەتسىز شىعىنداردى ازايتىپ, حالىقتىڭ قالتاسىنان شىعاتىن اقشانى تومەندەتۋگە باعىتتالعان. ول وزگەرىستەر مەديتسينا رەسۋرستارىن ءتيىمدى پايدالانىپ, ناۋقاستارعا تۇسەتىن جۇكتەمەنى ازايتۋعا ىقپال ەتەدى.