باتىس قازاقستان وبلىسىندا 28 ملن تەكشە مەتر سۋ جينايتىن جالپاقتال سۋ قويماسىن سالۋ جوسپارلاندى. بۇل 12 مىڭنان استام ادامدى سۋمەن قامتاماسىز ەتۋگە جانە ليماندى سۋارۋ الاڭىن 12 مىڭ گەكتارعا ۇلعايتۋعا مۇمكىندىك بەرەدى, دەپ حابارلايدى Egemen.kz سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتىنە سىلتەمە جاساپ.
مينيسترلىكتىڭ حابارلاۋىنشا, بۇل سۋ قويماسى ءوز كەزەگىندە مال شارۋاشىلىعىنا قاجەت جەم-ءشوپ ونىمدىلىگىن ارتتىرادى.
بيىل «قازسۋشار» فيليالى باتىس قازاقستان وبلىسىندا 146 مىڭ گا ليمان مەن تابيعي جايىلىمدى سۋارۋعا 562 ملن تەكشە مەتر سۋ جىبەرگەن.
بۇگىندە مەكەمە تۇتىنۋشىلارمەن سۋ بەرۋ تۋرالى 210 كەلىسىمشارت جاساسقان, ونىڭ 197-ءسى جەرگىلىكتى شارۋالار. اۋىل شارۋاشىلىعىنىڭ قاجەتتىلىكتەرى ءۇشىن كاسىپورىن 15,8 ملن تەكشە مەتر, ال سانيتارلىق-ەكولوگيالىق ءىس-شارالارعا 22,9 ملن تەكشە مەتر سۋ جىبەرگەنى بەلگىلى بولدى.
«بقو بويىنشا «قازسۋشار» فيليالى 13 گيدروتەحنيكالىق قۇرىلىستى جوندەپ, كيروۆ سۋ قويماسىن رەكونسترۋكتسيالاۋ جۇمىسىن جۇرگىزدى. سونداي-اق, شاعان وزەنى, كوشىم ماگيسترالدىق ارناسى مەن 67,6 شاقىرىم كانالدى مەحانيكالىق ادىسپەن تازالادى», دەدى بقو بويىنشا «قازسۋشار» فيليالى ديرەكتورىنىڭ مىندەتىن اتقارۋشى راۋان حۋساينوۆ.