پاريج وليمپياداسىندا 63,5 كەلى سالماق دارەجەسىندە ونەر كورسەتكەن بوكسشى مۇحاممەدسابىر بازارباي ۇلىنا جانكۇيەرلەرى جىلقى سىيلادى, دەپ حابارلايدى Egemen.kz.
سپورتشى Instagram پاراقشاسىندا سىيلىقتى ۇسىنۋ ءساتىن تۇسىرگەن ۆيدەونى جاريالادى. كادرلاردا بوكسشىنىڭ اتقا ءمىنۋ شەبەرلىگىن كورسەتكەنى كورىنەدى.
«جەڭىسىمدە دە, جەڭىلىسىمدە دە قولداۋ بىلدىرگەن دوستارىما العىسىم شەكسىز. اللا قالاسا, بۇل تەك باستاماسى», دەپ جازدى م.بازارباي ۇلى.
مۇحاممەدسابىر بازارباي ۇلى پاريجدە وتكەن وليمپيادادا بوكستان قازاقستان قۇراماسىنىڭ ساپىندا 63,5 كەلى سالماق دارەجەسىندە ونەر كورسەتتى. سپورتشى شيرەك فينالعا شىعىپ, الەم چەمپيوناتىنىڭ ەكى دۇركىن قولا جۇلدەگەرى گرۋزيالىق لاشا گۋرۋليمەن كەزدەستى. جەكپە-جەك گرۋزين بوكسشىسىنىڭ جەڭىسىمەن اياقتالدى.
ەستەرىڭىزگە سالا كەتەيىك, دزيۋدودان وليمپيادا چەمپيونى ەلدوس سمەتوۆكە جامبىل وبلىسىنان 5 بولمەلى پاتەر جانە Lexus LX 600 كولىگى بەرىلدى.
قازاقستاننىڭ ۇستەل تەننيسى فەدەراتسياسى سپورتشى كيريلل گەراسيمەنكوعا استانادان ەكى بولمەلى پاتەر سىيلادى.