بۇگىن اباي قۇنانباي ۇلىنىڭ تۋعان كۇنى. وسى ورايدا ۇلتتىق ستاتيستيكا بيۋروسى ۇلى ويشىلدىڭ قۇرمەتىنە اتالعان ەل ازاماتتارى تۋرالى ستاتيستيكانى ۇسىندى, دەپ حابارلايدى Egemen.kz.
بۇگىندە ەلىمىزدە اباي ەسىمدى 18 586 ادام تۇرادى.
عۇلاما ەسىمى بەرىلگەندەردىڭ ەڭ كوپ سانى تۇركىستان وبلىسىندا - 2050 ادام, ودان كەيىن استانا – 2021 ادام جانە الماتى قالاسى - 1639 ادام.
ويشىل ەسىمى بەرىلگەن ازاماتتاردىڭ ەڭ از سانى ۇلىتاۋ وڭىرىندە – 193 ادام. اقىننىڭ تۋعان ولكەسىندە (اباي وبل.) اباي ەسىمدى 232 ادام تۇرادى.
ەگەر جاس قۇرامى بويىنشا قارايتىن بولساق, 18 جاسقا دەيىنگى 4166 بالاعا اباي ەسىمى بەرىلگەن, 18 بەن 44 جاس ارالىعىنداعى وسى ەسىمدى تاعى 8 179 ادام جانە 45 جاستان اسقان 6241 ادام بار.