ەلدوس سمەتوۆكە جەرلەستەرى پاريجدە وتكەن جازعى وليمپيادا ويىندارىنداعى جەڭىسىنەن كەيىن كولىك سىيلادى, دەپ حابارلايدى Egemen.kz جامبىل وبلىسىنىڭ اكىمدىگىنە سىلتەمە جاساپ.
XXXIII جازعى وليمپيادا ويىندارىنىڭ چەمپيونى ەلدوس سمەتوۆ تۋعان جەرى ت. رىسقۇلوۆ اۋدانىنا ات باسىن بۇرىپ, جەرلەستەرىنىڭ زور قۇرمەتى مەن قوشەمەتىنە بولەندى.
سالتاناتتى ءىس-شارادا اۋدان اكىمى ەرنار ەسىركەپوۆ قۇتتىقتاۋ ءسوز سويلەدى. وليمپ شىڭىن باعىندىرعان ەلدوس سمەتوۆكە جەرلەستەرىنىڭ اتىنان اۆتوكولىك مىنگىزىپ (Haval م6), سپورتشىنىڭ اتا-اناسى مەن جەكە باپكەرىنە قۇرمەت كورسەتتى.
ەلدوس سمەتوۆ بۇل سىيلىقتى العاشقى باپكەرى احمەت جۇماعۇلعا تارتۋ ەتىپ, ۇستازىنا العىسىن ءبىلدىردى.
سونداي-اق XXXIII جازعى وليمپيادا ويىندارىنىڭ چەمپيونى ەلدوس سمەتوۆ ءسوز الىپ, قۇلاندىقتاردىڭ زور قۇرمەتىنە العىس ءبىلدىردى.
ەسكە سالا كەتەيىك, ەلدوس سمەتوۆ پاريجدە وتكەن ءحححىىى جازعى وليمپيادا ويىندارىندا جەڭىس تۇعىرىنان كورىنىپ, ەل قورجىنىنا العاشقى التىندى سالدى. تاتامي شەبەرى 2016 جىلى ريو وليمپياداسىندا كۇمىس, 2020 جىلى توكيودا وتكەن تورتجىلدىقتىڭ باستى دوداسىندا قولا مەدالدى ەنشىلەدى.