اباي – دانا, اباي – حاكىم. ۇلى اقىننىڭ ەسىمى ۇلتتىق دەڭگەيدە ۇلىقتالىپ, تۇركى دۇنيەسىندە جوعارى بەدەلگە يە.
تاشكەنت قالاسىندا «حالىقتار دوستىعى كۇنىن» اتاپ ءوتۋ اياسىندا اباي ەسكەرتكىشىنە گۇل شوقتارى قويىلدى. ءىس-شارانى شەتەلدەرمەن ۇلتارالىق قاتىناستار جانە دوستىق بايلانىستار كوميتەتى مەن جەرگىلىكتى قازاق مادەني ورتالىعى ۇيىمداستىرعان. بۇل مەرەكە كورشى مەملەكەتتە كەڭ كولەمدە اتاپ ءوتىلىپ كەلەدى. بيىل تاشكەنتتە 30 شىلدە مەن 4 تامىز ارالىعىندا حالىقتار دوستىعىن نىعايتاتىن بۇقارالىق ءىس-شارالار مەن عىلىمي كونفەرەنتسيا وتكىزىلدى. تاعىلىمدى ءىس-شارانىڭ اياسىندا قازاقتىڭ ويشىل اقىنىنىڭ ەسىمى ۇلىقتالدى.
– ابايدى بارلىعىمىز وقىعانبىز. ونىڭ ادەبيەتكە قوسقان ەڭبەگىن جاقسى بىلەمىز. حالىقتار دوستىعى تۋرالى كوپ جازعانى بەلگىلى. قازاق, وزبەك حالقىنىڭ بارىس-كەلىسى جايىندا دا كوپ ايتقان. بارلىعىمىز ىنتىماقتا, بىرلىكتە بولايىق, – دەيدى وزبەكستانداعى قازاق ۇلتتىق مادەني ورتالىعىنىڭ وكىلى ساپارقۇل جامالوۆ.
سالتاناتتى راسىمگە ۇلتارالىق جانە دوستىق قاتىناستار كوميتەتىنىڭ توراعاسى رۋستامبەك قۇربانوۆ پەن قازاقستاننىڭ وزبەكستانداعى ەلشىسى بەيبىت اتامقۇلوۆ قاتىستى. ەكى ەل ازاماتتارى قوس حالىقتىڭ تۋىستىق ءھام دوستىق بايلانىستارىنا تىڭ سەرپىن بەرەتىن باستامالار تۋرالى اڭگىمەلەدى. دەرەككە سۇيەنسەك, وزبەكستاندا 130-دان استام ەتنوس وكىلى ءومىر سۇرەدى. سونىڭ ىشىندە قانداستارىمىزدىڭ قاراسى ەداۋىر قالىڭ.