«قازگيدرومەت» رمك سينوپتيكتەرى 6, 7, 8 تامىزعا ارنالعان اۋا رايى بولجامىن ۇسىندى. مامانداردىڭ ايتۋىنشا, قازاقستاننىڭ سولتۇستىگىندە نوسەر جاۋىن جاۋادى. وڭتۇستىكتە كۇن وتە ىستىق بولادى, دەپ حابارلايدى Egemen.kz.
مەتەورولوگتار الداعى ءۇش كۇندە ەلىمىزدىڭ باسىم بولىگى تسيكلوننىڭ ىقپالىندا بولاتىنىن باسا ايتتى.
جاڭبىر مەن بۇرشاق جاۋىپ, نايزاعاي وينايدى, ەكپىندى جەل سوعادى.
«6-8 تامىزدا باتىستا جانە سولتۇستىك-باتىستا, 7-8 تامىزدا رەسپۋبليكانىڭ سولتۇستىگىندە كەي جەرلەردە قاتتى جەل سوعادى», دەپ حابارلادى «قازگيدرومەت» رمك ءباسپاسوز قىزمەتى.
ال, رەسپۋبليكانىڭ قالعان بولىگىندە كۇندىز +38+45°س قاتتى ىستىق كۇتىلەدى.