2024 جىلدىڭ 1 تامىزىندا شاكەن ايمانوۆ اتىنداعى «قازاقفيلم» ۇلتتىق كينوستۋدياسىنىڭ ۋاقىتشا پرەزيدەنتىنىڭ مىندەتىن ايدار وماروۆ اتقاراتىنى بەلگىلى بولدى, دەپ حابارلايدى Egemen.kz.
ايدار وماروۆ ءوزىنىڭ الەۋمەتتىك جەلىدەگى پاراقشاسىندا جاڭا قىزمەتىنە قاتىستى جازبا جاريالادى.
«بارشا قۇتتىقتاپ جاتقان جاندارعا العىس بىلدىرەمىن! قانشالىقتى ەلەڭ ەتكىزسە دە, مەنىڭ ءوندىرىس جونىندەگى ۆيتسە-پرەزيدەنت رەتىندەگى جۇمىسىم مينيسترلىك تاراپىنان وسىنداي سەنىممەن باعالانعانىنا قۋانىشتىمىن, ءوز كەزەگىندە, ەگەر سىزدەردىڭ ۇسىنىستارىڭىز بولسا, مەن دە اشىقپىن! سالانىڭ دامۋى ءۇشىن ءبىز كەز كەلگەن پاراساتتى يدەيالاردى اشىق جانە تىكەلەي تالقىلاي الامىز», دەپ جازدى ايدار وماروۆ.
ايتا كەتەيىك, ايدار وماروۆ بۇعان دەيىن كينوستۋديا ۆيتسە-پرەزيدەنتى قىزمەتىن اتقارعان بولاتىن.
ەسكە سالا كەتەيىك, ازامات ساتىبالدىنىڭ «قازاقفيلمنىڭ» پرەزيدەنتى قىزمەتىنەن كەتكەنى 31 شىلدەدە بەلگىلى بولدى. ال, 1 تامىزدا مادەنيەت جانە اقپارات مينيسترلىگى شاكەن ايمانوۆ اتىنداعى «قازاقفيلم» ۇلتتىق كينوستۋدياسىنىڭ شتاتتىق رەجيمدە جۇمىسىن جالعاستىرىپ جاتقانىن حابارلاعان بولاتىن.