پاريج ءتارتىپ ساقشىلارى 33 جاستاعى فرانتسيا ازاماتىن قاماۋعا الدى. انىقتالعانداي, ەسكەك ەسۋدەن جاتتىقتىرۋشى گيوم بەرگەر قالا كوشەلەرىندە ءۇش پوليتسەيمەن توبەلەس شىعارعان, دەپ حابارلايدى Egemen.kz.
Le Parisien باسىلىمىنىڭ حابارلاۋىنشا, بايداركا مەن كانوەدە ەسۋ جاتتىقتىرۋشىسى 30 شىلدەگە قاراعان ءتۇنى قوعامدىق ورىندا پوليتسياعا قارسىلىق كورسەتكەنى ءۇشىن قاماۋعا الىنعان.
سونداي-اق ايىپتالۋشى قاشىپ كەتپەك بولعان كەزدە قۇقىق قورعاۋ ورگاندارىنىڭ ءۇش قىزمەتكەرىنە بىرنەشە رەت سوققى جاساعانى بەلگىلى بولدى.
تۇتقىنداۋ كەزىندە پوليتسەيلەر گيوم بەرگەرگە ەلەكتروشوكەر قۇرالىن پايدالانعان. پروكۋرورلار پوليتسەيلەرگە قارسىلىق كورسەتكەنى جانە قاساقانا دەنە جاراقاتىن سالعانى ءۇشىن تەرگەۋ ارەكەتتەرىن باستاپ كەتكەنى بەلگىلى بولدى.