فرانتسيانىڭ استاناسى پاريجدە XXXIII جازعى وليمپيا ويىندارى باستالعانىنا مىنەكەي, ءتورت كۇن دە وتە شىقتى. حالقىمىز تاقىمىن قىسىپ, سپورتشىلارىمىزدىڭ اماندىعىن تىلەپ, ولارمەن بىرگە تاتاميدە جۇلدەگە تالاسىپ وتىرعانداي. ءبىرى جەڭىلسە, ەندى ءبىرى تۋىمىزدى جەلبىرەتىپ ولجالى بولىپ جاتىر, دەپ جازادى Egemen.kz.
اراعا 44 جىل سالىپ قايتالانعان تاريح ەلىمىز ءۇشىن ۇمىتىلماس كۇن بولماق. ارتىندا قولداپ وتىرعان وتانداستارىنىڭ الاۋىن وشىرمەي, قايتا جاققان ەلدوس سمەتوۆ وليمپيادا چەمپيونى اتاندى.
ايتا كەتسەك, ەلدوس سمەتوۆتىڭ وليمپياداعا بارۋىنىڭ ءوزى بولەك ءبىر اڭگىمە. ۇلتتىق قۇراما باپكەرلەرى سمەتوۆكە باسەكەلەس بولاتىن نۇرقانات سەرىكباەۆ پەن ماعجان شامشادين سەكىلدى سپورتشىلارىمىزدىڭ ساقاداي ساي تۇرعانىن اتاپ وتكەن. الايدا وليمپيادالىق رەيتينگتە نۇرقانات سەرىكباەۆ پەن ماعجان شامشادين سوڭعى ۋاقىتقا دەيىن ەلدوس سمەتوۆتان جوعارى تۇرعان ەكەن. وسىنداي باس قاتىرۋدىڭ ناتيجەسىندە ءۇش بىردەي سپورتشىمىز ءوزارا جارىسقا تۇسكەن. ناتيجەسىندە سمەتوۆ نۇرقاناتتى دا, ماعجاندى دا ەڭسەرىپ, وليمپياداعا جول تارتتى.
وسىدان 44 جىل بۇرىن, 1980 جىلدىڭ 22 شىلدەسىندە شەشۋشى ايقاستا بولگار پاۆەل حريستوۆتان باسىم تۇسكەن جاقسىلىق ۇشكەمپىروۆ وليمپيادا چەمپيونى اتانعان ەدى. ايتا كەتەرلىگى, جاقسىلىق ۇشكەمپىروۆ ارنايى دايىندىق جوسپارىن جازعان دەسەدى. جوسپارعا ۇيىقتاۋ رەجىمىن, تاماقتانۋ ءتارتىبىن, ءتىپتى جاتتۋعىلاردىڭ رەتتىلىگىن جازىپ وتىرعان.
بۇگىندە ءپاريجدىڭ تورىندە تۋىمىزدى كوككە كوتەرىپ, وليمپيادا چەمپيونى اتانعان ەلدوس سمەتوۆتى حالقىمىز جاقسىلىقتىڭ بۇگىنگى بەينەسى دەپ اتاپ جاتىر. ءتىپتى, الەۋمەتتىك جەلى قولدانۋشىلارى قوس سپورتشىمىزدىڭ التىن مەدال تاعىنعان ءساتىنىڭ قانداي كوز قۋانتارلىق كورىنىس ەكەنىن ايتۋدان جالىعار ەمەس.
حالقىمىز ءۇمىت ارتىپ وتىرعان سپورتشىلارىمىزدىڭ وليمپياداداعى ناتيجەلەرىن ءتىلشىمىز عالىم سۇلەيمەن 44 جىل كۇتتىرگەن التىن پاريجدە بۇيىردى اتتى ماقالاسىندا تارقاتىپ جازعان.