قىزىلوردادا كامەلەتكە تولماعان بالا قوعامدىق ورىندا پوليتسيا قىزمەتكەرىنە ءتىل تيگىزگەن. اقىرى بالانىڭ اناسى اكىمشىلىك جاۋاپكەرشىلىككە تارتىلدى, دەپ حابارلايدى Egemen.kz وبلىستىق سوتتىڭ ءباسپاسوز قىزمەتىنە سىلتەمە جاساپ.
«2024 جىلدىڭ 20 ماۋسىمىندا ساعات 14:00 شاماسىندا قىزىلوردا قالاسى كامالوۆ كوشەسىندە ت.-نىڭ كامەلەتكە تولماعان ۇلى ر., قوعامدىق ورىندا پوليتسيا قىزمەتكەرىنە بالاعات سوزدەر ايتىپ, ءتىل تيگىزگەن. سوتتا ازاماتشا ت., حاتتامامەن كەلىسەتىنىن, مۇنداي جاعداي ەندى قايتالانبايتىنىن ايتىپ, سوت پەن ينسپەكتوردان كەشىرىم سۇرادى», دەلىنگەن حابارلامادا.
سوت قاۋلىسىمەن بالانىڭ اناسى اقبتك-ءنىڭ 435-بابى «كامەلەتكە تولماعان ادام جاساعان بۇزاقىلىق» بويىنشا كىنالى دەپ تانىلىپ, وعان 18 091 تەڭگە كولەمىندە ايىپپۇل سالىنعان.