بيىل ارالدىڭ ارناسى تولىپ كەلەدى. سۋ رەسۋرستارى جانە يرريگاتسيا مينيسترلىگى سولتۇستىك ارال تەڭىزىنە وتكەن جىلمەن سالىستىرعاندا 12,5 ەسە ارتىق سۋ كەلىپ جاتقانىن مالىمدەدى. بۇل وڭ وزگەرىسكە قولدان جاڭبىر جاۋعىزىپ, ارالدى سۋعا تولتىرامىن دەگەن التاي اينابەكتىڭ ەڭبەگى مە؟ وسى ساۋالعا «قازگيدرومەت» مەكەمەسى, بۇكىلالەمدىك مەتەورولوگيا ورتالىعى جانە ال-فارابي اتىنداعى قازۇۋ گەوگرافيا جانە تابيعاتتى پايدالانۋ فاكۋلتەتىنىڭ اعا وقىتۋشىسى جاۋاپ بەردى, دەپ جازادى Egemen.kz.
«حالىقارالىق كليماتتىڭ وزگەرۋى تەحنولوگيالارى ورتالىعى» جشس باسشىسى التاي اينابەك بۇل جوسپارىن جۇزەگە اسىرىپ وتىرعان عىلىمي, تەحنولوگيالىق نەگىزدەرىن اشىپ ايتتى.
«مەن قولداناتىن تەحنولوگيانىڭ تاريحى تىم ارىدە 80-گە جۋىق مەملەكەتتە پايدالانىلعان, اتموسفەرادا بار ىلعالدى كوندەنساتسيالاۋ ارقىلى جاۋىن دەڭگەيىن كوتەرەتىن – بۇلت ەگۋ ءادىسى, ەسكى تەحنولوگيا, كووردينالدىق تۇردە اريدتىق (ىلعالدىلىعى از) ايماقتاردا جۇمىس ىستەي المايدى.ء بىزدىڭ تەحنولوگيا اتموسفەراعا اسەر ەتۋدىڭ جاڭا ۇستانىمدارىنا نەگىزدەلگەن. تەحنولوگيا تسيكلوندىق ۇدەرىستەردى «قوسادى», مۇحيت اكۆاتورياسىنان ىلعال تارتادى. باستىسى, اتموسفەرانىڭ تومەنگى قاباتىندا جۇمىس ىستەيدى, ياعني بۇل – ازاماتتىق تەحنولوگيا», دەيدى ول.
دەسە دە «قازگيدرومەت» رمك وسى اۋماقتا جاڭبىر جاۋاتىنىن الدىن الا ءبىلىپ, 10 كۇندىك, اپتالىق بولجام جاساپ, وبلىس تۇرعىندارىنا حابارلاپ وتىرعانىن ايتادى. سونداي-اق مەكەمە وسى ءادىستىڭ عىلىمي نەگىزىن انىقتاۋدى بىلمەككە بۇكىلالەمدىك مەتەورولوگيا ورتالىعىنا حات جولداعان.
جاۋاپتى «قازگيدرومەت» رمك قىزىلوردا وبلىسى فيليالىنىڭ ءى ساناتتى ينجەنەر-سينوپتيگى ماعجان سادۋاقاسوۆ جاريا ەتتى.
ء«ادىس تۋرالى بۇكىلالەمدىك مەتەورولوگيا ورتالىعى ءبىزدىڭ حاتىمىزعا جاۋاپ رەتىندە «ەشقانداي كەڭەس بەرمەيتىنىن» ايتتى. دەمەك عىلىمي نەگىز جوق. ال قىزىلوردا نەمەسە باسقا وڭىرلەردە بولىپ جاتقان بيىلعى جاۋىن مولشەرى تابيعي قۇبىلىسقا جاتادى», دەدى ماعجان سادۋاقاسوۆ.
سان الۋان پىكىرگە سەبەپ بولعان التاي اينابەكتىڭ قولدان جاڭبىر جاۋعىزۋ ادىسىنە وتاندىق عالىمداردىڭ كوزقاراسىن ءتىلشىمىز ەرجان قوجاستىڭ «ارالدى سۋعا تولتىرۋ امالى: جاي ءسوز بە, ناقتى ءىس پە؟» ماقالاسىنان بىلە الاسىزدار.