شىعىس قازاقستان وبلىستىق سوتى 12 شىلدەدە وبلىستىڭ كولىكتىك باقىلاۋ ينسپەكتسياسىنىڭ باسشىسى ب. نۇراليەۆ پەن ونىڭ ورىنباسارى ا. تۇراقباەۆقا قاتىستى ۇكىم شىعاردى, دەپ جازادى Egemen.kz.
ايىپتالۋشىلار لاۋازىمدىق وكىلەتتىكتەرىن تەرىس پايدالانىپ, كەندى سالماق پارامەترلەرىنەن اسىرا تاسىمالداۋ جولىمەن كاسىپكەرلىك قىزمەتكە زاڭسىز قاتىسقانى ءۇشىن كىنالى دەپ تانىلدى. ولار وسىنداي ارەكەتتەرى ارقىلى مەملەكەتكە 63 ملن تەڭگە سوماسىندا زالال كەلتىرگەن. سوت ۇكىمىمەن ب.نۇراليەۆ پەن ا.تۇراقباەۆقا 4 جانە 3 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى. سونداي-اق ولار مەملەكەتتىك قىزمەتتە جوعارى لاۋازىمداردى اتقارۋ قۇقىعىنان ءومىر بويىنا ايىرىلدى. ۇكىم زاڭدى كۇشىنە ەندى.