سپورت سايىستارىنىڭ ىشىندەگى ەڭ تانىمالى – وليمپيا ويىندارى. بۇل دودادا جەڭۋدى ەمەس, قاتىسۋدى ارمان تۇتاتىن سپورتشىلار جەتەرلىك. 1896 جىلدان بەرى وتكىزىلەتىن بۇل جارىستا ادام تاڭعالارلىق نەبىر رەكوردتار تىركەلگەن.
جالپى, قىسقى جانە جازعى ويىندار 1994 جىلعا دەيىن ءبىر جىلدا وتكىزىلەتىن. كەيىن حالىقارالىق وليمپيادا كوميتەتى بۇل سپورتتىق جارىستاردىڭ اراسىن ەكى جىلعا سوزۋ كەرەك دەپ شەشتى. سودان بەرى وليمپيادالىق ويىندار ەكى جىل سايىن الماسىپ ءوتىپ تۇراتىن بولدى. ال ەڭ العاش رەت قىسقى وليمپيادا 1924 جىلى فرانتسيانىڭ شاموني قالاسىندا وتكىزىلدى. ول كەزدە سپورتتىڭ 5 ءتۇرى بويىنشا 14 جارىس تۇرىندە جۇلدەلى ورىندار ساراپقا سالىندى. ءبىر قىزىعى, وليمپيادا تاريحىندا قىسقى ءارى جازعى ويىندارعا دا قاتىسقان سپورتشىلار دا بولعان.