ىشكى ىستەر ءمينيسترىنىڭ ءتيىستى بۇيرىق جوباسى «اشىق نقا» پورتالىندا جاريالاندى, دەپ حابارلايدى Egemen.kz.
ساۋساق ءىزىن تىركەۋدى (ساۋساق ءىزىن الۋ) جۇرگىزۋ قاعيدالارىندا ىشكى ىستەر ورگاندارى ساۋساق ءىزى تۋرالى اقپاراتتى جينايتىنى كورسەتىلگەن:
وزدەرىنىڭ كەلىسىمى بويىنشا, قازاقستان رەسپۋبليكاسى ازاماتىنىڭ جەكە كۋالىگىن جانە (نەمەسە) پاسپورتىن العاش الۋ ءۇشىن, سونداي-اق ولاردى قالپىنا كەلتىرۋ نە اۋىستىرۋ ءۇشىن جۇگىنگەن قازاقستان رەسپۋبليكاسى ازاماتتارىنىڭ; قازاقستان رەسپۋبليكاسى ازاماتىنىڭ پاسپورتىن الۋ ءۇشىن وسى قاعيدالاردىڭ 10-تارماعىندا بەلگىلەنگەن تارتىپپەن جۇگىنگەن كەزدە ون ەكى جاستان ون التى جاسقا دەيىنگى بالالاردىڭ.سونداي-اق جول ءجۇرۋ قۇجاتىن العاش رەسىمدەگەن, سونداي-اق قالپىنا كەلتىرگەن, اۋىستىرعان جاعدايلاردا ون التى جاسقا تولعان شەتەلدىكتەر مەن ازاماتتىعى جوق ادامداردىڭ داكتيلوسكوپيالىق اقپاراتىن جيناۋ جۇزەگە اسىرادى.
«داكتيلوسكوپيالىق اقپاراتتى جيناۋ ادامنىڭ ەكى قولى ون ساۋساعىنىڭ جانە (نەمەسە) ەكى قولى الاقاندارىنىڭ پاپيلليارلىق بەدەرلەرى قۇرىلىمىنىڭ ەرەكشەلىكتەرى تۋرالى بيومەتريالىق دەرەكتەردى داكتيلوسكوپيالاۋ ارقىلى الۋدى جانە وسى قاعيدالاردا بەلگىلەنگەن دەربەس دەرەكتەردىڭ ءتيىستى اقپاراتتىق جۇيەسىنە ەنگىزۋدى قامتيدى», دەلىنگەن قۇجاتتا.