قازاقستاننىڭ «Sana Team» قۇراماسى روبوتوتەحنيكادان اۆستراليادا وتكەن Pacific Open Championship حالىقارالىق چەمپيوناتىندا جەڭىمپاز اتاندى, دەپ جازادى Egemen.kz.
وعان 11 ەل بويىنشا 400-گە جۋىق بالا قاتىسقان. فينالدىق كەزدەسۋدە قازاقستان وقۋشىلارى ءباا كومانداسىمەن وداقتاسىپ, جەڭىس جولىندا كۇرەسىپ, ەكى ماراپاتقا يە بولدى: Finalist Alliance Captain جانە «Motivate Award» نوميناتسياسىندا ءبىرىنشى ورىن.
وقۋ-اعارتۋ مينيسترلىگىنىڭ مالىمەتىنشە, ەلىمىزدىڭ اتىنان ء«بىلىم-يننوۆاتسيا» ليتسەيى جانە رەسپۋبليكالىق فيزيكا-ماتەماتيكا مەكتەبىنىڭ 11-سىنىپ وقۋشىلارى: دارىن سمايىل, ارنار داۋلەتقۇل, ءادىل تۇرسىنعالي, ابباس پاحريدين, وسمان اكيپبەك, اسىلحان ىبىراي, ءىلياس ءاشىرالين, الديار داۋلەت ۇلى, جانايىم سابىرجان, عازيزا كۋنگوجينا قاتىستى.
ەسكە سالايىق, قر وقۋ-اعارتۋ مينيسترلىگىنىڭ قولداۋىمەن USTEM Foundation قورى مەن «دارىن» رعپو ۇيىمداستىرعان Central Asia FIRST Championship ورتالىق ازيا چەمپيوناتى كەزىندە اتالعان كوماندا الەم چەمپيوناتىنا جولداما العان ەدى. چەمپيوناتتا جەڭىسكە جەتۋ – وقۋشىلارعا الەمدىك جەتەكشى جوعارى وقۋ ورىندارىنا گرانت الۋعا جول اشادى.