مەملەكەت باسشىسىنىڭ اتىنا استانا قالاسىنداعى قازاقستان رەسپۋبليكاسى تۇڭعىش پرەزيدەنتىنىڭ فيزيكا-ماتەماتيكا باعىتىنداعى ينتەللەكتۋالدىق مەكتەبىنىڭ تۇلەكتەرىنەن حات كەلىپ ءتۇستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
بيىلعى جىلى وسى وقۋ ورنىنىڭ العاشقى تۇلەكتەرى مەكتەپ ءبىتىردى. اۆتورلار مەكتەپتىڭ 38 تۇلەگىنىڭ 12-ءسى حالىقارالىق وليمپيادالار مەن عىلىمي جوبالار جارىستارىنا, رەسپۋبليكالىق پاندىك وليمپيادالارعا قاتىسۋشىلار مەن جۇلدەگەرلەر ەكەنىن حابارلاعان.
ۇلتتىق بىرىڭعاي تەستىلەۋ ناتيجەلەرى بويىنشا مەكتەپ العان ورتاشا بالل 114,59, ال ەڭ تومەنگى بالل 101 بولعان. ەكى تۇلەك 124 باللدان العان. “التىن بەلگى” ءتوس بەلگىسىنەن ون ۇمىتكەردىڭ ءبارى دە ءوز ءبىلىمدەرىن دالەلدەپ شىققان.
تۇلەكتەردىڭ كوپشىلىگى استانانىڭ جاڭا ۋنيۆەرسيتەتىنە قابىلداۋدىڭ ءۇش كەزەڭىنەن ويداعىداي وتكەن. بىرقاتار تۇلەكتەر ءىELTS جانە TOEFL اعىلشىن تىلدەرىن بىلۋگە ارنالعان تەستىلەۋدىڭ, سونداي-اق ماتەماتيكا مەن فيزيكا بويىنشا اعىلشىن تىلىندە تاپسىرىلعان ەكى دەڭگەيلى ەمتيحانداردىڭ ناتيجەلەرى بويىنشا اقش پەن ۇلىبريتانيانىڭ جەتەكشى تەحنيكالىق ۋنيۆەرسيتەتتەرىنەن شاقىرۋ الدى. جەكەلەگەن تۇلەكتەر قازاقستان مەن رەسەيدىڭ جەتەكشى جوو-لارىنىڭ گرانتتارىنا يە بولىپ وتىر.
ء“بىز قازاقستاننىڭ بولاشاق يندۋستريالىق جانە ەكونوميكالىق سەكىرىسى ءۇشىن قاجەت ماماندىقتاردى تاڭدادىق. بۇل اەروعارىشتىق ينجينيرينگ, اقپاراتتىق تەحنولوگيالار, ەلەكترونيكا, ەنەرگەتيكا, نانوتەحنولوگيالار جانە باسقالار.
ءبىز ءسىزدىڭ اتىڭىزداعى بارلىق وقۋ ورىندارى ءسىزدىڭ سەنىمىڭىزدى اقتاپ, وتاندىق ءبىلىم جۇيەسىنىڭ كوش باستاۋشىلارى بولاتىنىنا, كەيىننەن بۇكىل قازاقستان بويىنشا ەندىرىلەتىن وسى زامانعى وقۋ باعدارلامالارىن ازىرلەۋ جانە بايقاپ كورۋ جونىندەگى باستى الاڭدارعا اينالاتىنىنا سەنەمىز جانە قولىمىزدان كەلگەننىڭ ءبارىن دە ىستەيمىز.
بىزدەر, قازاقستان رەسپۋبليكاسى تۇڭعىش پرەزيدەنتىنىڭ العاشقى ينتەللەكتۋالدىق مەكتەبىنىڭ تۇڭعىش تۇلەكتەرى ەڭ بەدەلدى جوعارى ءبىلىم الىپ, ءوزىمىزدىڭ بارلىق ءبىلىمىمىز بەن كۇش-قۋاتىمىزدى ءبىزدىڭ سۇيىكتى وتانىمىزدىڭ وركەندەۋى ءۇشىن جۇمسايتىنىمىزعا ءسىزدى سەندىرەمىز!
قۇرمەتتى نۇرسۇلتان ءابىش ۇلى, ءسىزدىڭ قازاقستانداعى ءبىلىمدى دامىتۋعا ۇنەمى قامقورلىق جاساپ وتىرعانىڭىز ءۇشىن راحمەت! ءبىزدىڭ باقىتتى بالالىق شاعىمىز ءۇشىن سىزگە راحمەت! ءبىزدىڭ ينتەللەكتۋالدىق مەكتەبىمىز ءۇشىن سىزگە راحمەت! سىزگە زور دەنساۋلىق جانە ۇزاق عۇمىر تىلەيمىز!” – دەلىنگەن حاتتا.