روبوت-كۋرەردى ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ جاس عالىمدارى مەن روبوتتەحنيكا جانە اۆتوماتيكا تەحنيكالىق قۇرالدارى كافەدراسىنىڭ ستۋدەنتتەرى جاساپ شىعارعان.
مەديتسينا قىزمەتكەرلەرى تاسيتىن ءدارى-دارمەكتى ەندى روبوت-كۋرەر ورىنداپ, سۇرانىس بويىنشا ەمدەلۋشىگە ءدارى-دارمەكتى جىلدام ءارى قاۋىپسىز جەتكىزۋ جۇمىستارىن اتقارادى.
اتالعان كومەكشى روبوتتى جاساعان توپتىڭ جەتەكشىسى نۇرلان بايانبايدىڭ ايتۋىنشا, مۇنداي روبوت-كۋرەرلەر بىرقاتار شەت مەملەكەتتە ءدارى-دارمەكتى پاتسيەنت جاتقان ءاربىر پالاتاعا قاۋىپسىز جەتكىزىپ بەرەدى. كوزبەن كورىپ, وسىنداي روبوتتى ءبىز نەگە جاساماسقا دەگەن وي كەلگەن.
روبوت-كۋرەر وتاندىق ماتەريالدان جاسالعان. ەلەكتروندىق قۇرالدار عانا شەتەلدەن الىنعان ەكەن.
اتالعان روبوت كومەكشىنىڭ مەديتسينالىق مەكەمەلەرگە قاجەتتىلىگى مول بولماق.
بۇل تۋرالى تولىعىراق «Egemen Qazaqstan» گازەتىنىڭ بۇگىنگى سانىندا جاريالانعان ازامات ەسەنجولدىڭ «روبوت-كومەكشى» ماقالاسىنان وقي الاسىز.