حالىقارالىق پاراليمپيادا كوميتەتىنىڭ ءۇش جاقتى بيپارت كوميسسياسىنىڭ شەشىمىمەن قازاقستان سپورتشىسى پاريج پاراليمپياداسى بويىنشا پارا وق اتۋدان ليتسەنزيا يەگەرى اتاندى, دەپ حابارلايدى Egemen.kz قر تۋريزم جانە سپورت مينيسترلىگىنە سىلتەمە جاساپ.
جولداما يەگەرى اتانعان وتانداسىمىز سەۆدا اليەۆا 10 مەترلىك P2 پنەۆماتيكالىق تاپانشامەن اتۋ ديستسيپليناسىندا ونەر كورسەتتى.
ايتا كەتەيىك, بۇل پارا وق اتۋدان قازاقستاننىڭ ەكىنشى ليتسەنزياسى. بۇدان بۇرىن اتالعان سپورت تۇرىنەن العاشقى ليتسەنزيانى ەركىن عابباسوۆ الەم كۋبوگىندە پنەۆماتيكالىق مىلتىقپەن اتۋدان R1 ديستسيپليناسىندا جەڭىپ العان ەدى.
پاراليمپيادا ويىندارى بويىنشا قازىرگى ۋاقىتتا قازاقستاندا – سپورتتىڭ 8 تۇرىنەن 21 ليتسەنزيا بار: پارا پاۋەرليفتينگ (5), پارا جەڭىل اتلەتيكا (3), پارا ءجۇزۋ (4), ۆولەيبولدى وتىرىپ ويناۋ (1), پارا ۇستەل تەننيسى (1), پارا تاەكۆوندو (3), پارا كانوە (2), پارا وق اتۋ (2).
ەسكە سالايىق, XVII جازعى پاريج-2024 پاراليمپيادا ويىندارى تامىزدىڭ 28-ءى مەن قىركۇيەكتىڭ 8-ءى ارالىعىندا وتەدى, 23 سپورت تۇرىنەن 549 مەدال جيىنتىعى ساراپقا سالىنادى.