سەمەيدىڭ بيولوگيالىق ورتالىعىندا قىزىل كىتاپقا ەنگەن بارىس كارىلىكتەن ءولىپ قالدى, دەپ حابارلايدى Egemen.kz.
بۇل تۋرالى بيولوگيالىق ورتالىقتىڭ ءباسپاسوز قىزمەتى حابارلادى. وقيعا 6 شىلدەدە بولعان.
«كارىلىكتەن ەم جوق, وكىنىشتى. ىشىمىزدەگى سەزىمدى بىلدىرەتىن ءسوز جوق. لورد اتتى قيىر شىعىس بارىسىن 2022 جىلى «ەيكوس» جشس باسشىلىعى سىيعا تارتقان. بارىس بۇرىن سارىاعاش اۋدانىنداعى جەكە جانۋارلار باعىندا ۇستالعان, ۆەتەرينارلىق تولقۇجات بويىنشا لورد 12 جاستا بولعان. بۇل جانۋاردىڭ تابيعي ءومىر ءسۇرۋ ۇزاقتىعى ورتا ەسەپپەن 10-15 جىل», دەپ جازدى ورتالىق.
2023 جىلى جابايى مىسىق ماماندارى مەن باسقا حايۋاناتتار باقتارىنىڭ ۆەتەرينارلارىنا حابارلاسىپ, جان-جاقتى ساراپتاما جۇرگىزۋ تۋرالى شەشىم قابىلدانعان. ۋلترادىبىستىق زەرتتەۋ جۇرگىزىلىپ, قان ءاناليزى الىنعان. تالداما ناتيجەلەرى بويىنشا سوزىلمالى اۋرۋلار (پيەلونەفريت, گەپاتيت, حولەتسيستيت, ەنتەروكوليت جانە ىشەك اتونياسى) انىقتالىپ, كەشەندى ەم تاعايىندالعان.
ء«بىز ءبىر جىل بويى ونىڭ ءومىرى ءۇشىن كۇرەستىك, ەمدەۋ ۋاقىتشا ناتيجە بەردى, بىراق دەگەنمەن تابيعات وزىنىكىن الادى. بارىس كۇن سايىن ەنجار بولىپ, ءجيى تاماقتان باس تارتتى, بۇل وسىنداي قايعىلى ناتيجەگە اكەلدى», دەپ قوستى ولار.