ەركىن كۇرەستەن قازاقستان ۇلتتىق قۇراماسىنىڭ بالۋاندارىنا تاعى ءبىر جولداما بۇيىردى.
57 كگ سالماقتا بەلدەسەتىن ازيا چەمپيوناتىنىڭ قولا جۇلدەگەرى مەيرامبەك قارتباي پاريج وليمپيا ويىندارىندا بەلدەسۋگە مۇمكىندىك الدى. رەسەيلىك زاۋر ۋگۋەۆ پاريج وليمپياداسىنا بارۋدان باس تارتقاندىقتان, وعان تيەسىلى جولداما ءبىزدىڭ بالۋانعا بۇيىردى. ويتكەنى توعىز اي بۇرىن سەربيانىڭ بەلگراد قالاسىندا وتكەن الەم چەمپيوناتىندا مەيرامبەك وسى ۋگۋەۆكە ەسە جىبەرىپ, ليتسەنزيادان قاعىلعان ەدى. اقتوبە وبلىسى ەمبى قالالىق بالالار مەن جاسوسپىرىمدەر سپورت مەكتەبىنىڭ تۇلەگى العاش رەت جازعى وليمپيادا دوداسىنا قوسىلادى.
«رەسەيلىك بالۋانداردىڭ بارۋ-بارماۋى ب ۇلىڭعىر بولعاندىقتان دا جولدامادان ءۇمىتىمدى ۇزبەي, جاتتىعۋدى جالعاستىردىم. ۇلتتىق قۇراما ساپىندا داعىستاندا ازىرلىك جۇرگىزدىك, 57 كگ سالماقتا وليمپيادا مەدالى ءۇشىن بەلدەسۋگە شىعاتىن بالۋانداردىڭ بارلىعى دا سىرالعى قارسىلاس, ءبارىنىڭ دە كۇرەسۋ ونەرىن, قايراتىن بىلەمىن. ماعان وسىنداي مۇمكىندىك بۇيىرعاندا بارىمدى سالىپ كۇرەسەمىن», دەدى م.قارتباي.