1 قاڭتاردان ەڭبەكاقىسى تاريف ەسەبىنەن تولەنەتىن «قازسۋشار» ماماندارىنىڭ ايلىعى ورتا ەسەپپەن 25%-عا كوتەرىلگەنى ءمالىم. ال 1 مامىردان ەڭبەكاقىسى رەسپۋبليكالىق بيۋدجەتتەن تولەنەتىن بىرقاتار مامانداردىڭ ايلىعى 25%-عا ۇلعايعان, دەپ حابارلايدى Egemen.kz.
«سۋ سالاسى قىزمەتكەرلەرىنىڭ ەڭبەكاقىسىن ۇلعايتۋ باعىتىنداعى جۇمىس ودان ءارى جالعاسادى. بۇل ءبىر كۇندىك ءىس-شارا ەمەس جانە سۋ شارۋاشىلىعى ماماندىقتارىنىڭ تارتىمدىلىعىن ارتتىرۋعا مۇمكىندىك بەرەدى. بۇل ءبىز ءۇشىن وتە ماڭىزدى», دەدى سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆ. ەسكە سالايىق, 9 شىلدە كۇنى سۋ شارۋاشىلىعى سالاسى قىزمەتكەرلەرىنىڭ كۇنى اتالىپ ءوتىپ, كاسىبي مەرەكەدە 323 قىزمەتكەر مەن ارداگەر ماراپاتتالدى.