بقو-دا ءوز اناسىن ءولتىردى دەگەن كۇدىككە ىلىنگەن 16 جاستاعى ازاماتتىڭ ءىسى سوتقا جىبەرىلدى, دەپ حابارلايدى Egemen.kz.
جانتۇرشىگەرلىك قىلمىس 2023 جىلدىڭ 18 قازانىندا بولعان. شىڭعىرلاۋ وڭىرىندەگى ايەل ولىمىنە كۇدىكتى رەتىندە مارقۇمنىڭ 16 جاستاعى ۇلى قولعا ءتۇستى.
- ءىستى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى دينارا عىلمانوۆا قارايدى. سوتتالۋشى كامەلەت جاسقا تولماعاندىقتان سوت وتىرىسى جابىق ەسىك جاعدايىندا وتەدى. جاسوسپىرىمگە “كىسى ءولتىرۋ” بابى بويىنشا ايىپ تاعىلعان, – دەلىنگەن سوت حابارلاماسىندا.