تاريحي دەرەكتەرگە سۇيەنسەك, ادامدار وسىدان بىرنەشە عاسىر بۇرىن جەر استىنا جول سالعان. دەسەك تە جەر استىنداعى كولىكتىك جۇيەنى XIX عاسىردا العاش رەت انگليادا قولعا الا باستادى.
سول كەزدەرى لوندون قالاسى قارىشتاپ دامىپ, تۇرعىندار دا كۇن ساناپ ءوستى. كوشە قيىلىستارىندا بۇرىن-سوڭدى بولماعان كەپتەلىستەر كوبەيدى. ادامدار امالدىڭ جوقتىعىنان جاياۋ جۇرۋگە ءماجبۇر ەدى. سوندىقتان 1855 جىلى قالا اكىمشىلىگى جەراستى كولىك جۇيەسىن سالۋ تۋرالى قۇجاتقا قول قويادى. مەترونى سالۋمەن «Metropolitan Railway» كومپانياسى اينالىسادى. سەگىز جىلدان سوڭ, ياعني 1863 جىلدىڭ 10 قاڭتارىندا تۇڭعىش مەترو قولدانىسقا بەرىلەدى. ءبىرىنشى باعىت جەتى ستانسادان تۇرىپ, 3 600 مەترگە سوزىلعان. مىنە, الەمدەگى العاشقى مەترونىڭ تاريحى وسىنداي.