كادىمگى ءوزىمىز كۇندە جازىپ جۇرگەن شاريكتى قالامساپتىڭ قۇرىلىسى كۇردەلى ەمەس. بىراق ونىڭ قالاي, قاشان شىققانىنا ءمان بەرمەيمىز. قالامساپتىڭ بۇل ءتۇرى العاش رەت 1931 جىلى بۋداپەشتتەگى حالىقارالىق جارمەڭكەدە تانىستىرىلعان.
اتالعان ونەرتابىستىڭ اۆتورلارى – اعايىندى بيرولار. ولاردىڭ ءبىرى – جۋرناليست, ەكىنشىسى حيميك. ەكىنشى دۇنيەجۇزىلىك سوعىس باستالعاندا اعايىندى بيرولار ارگەنتيناعا قونىس اۋدارادى دا, 1942 جىلى سوندا شاريكتى قالامساپتى وندىرىستىك نەگىزدە شىعارۋدى باستايدى. ارينە, العاشقىدا سيا قۇيىپ جاسالعان قالامساپتار ساپاسىزداۋ بولدى. بىراق 1945 جىلى بيرو پاتەنتىن مارسەل بيك ساتىپ العان سوڭ, جاڭا قالامساپ دۇنيە جۇزىنە كەڭىنەن تارايدى.