قاسىم-جومارت توقاەۆ ۋتتار-پرادەش شتاتىنىڭ حاتراس قالاسىندا بولعان قايعىلى وقيعاعا ءبايلانىستى ۇندىستان پرەمەر-ءمينيسترى نارەندرا موديگە كوڭىل ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
– ۋتتار-پرادەش شتاتىندا وتكەن ءدىني جيىن كەزىندە كوپتەگەن ادامنىڭ باستىرىلىپ, قايتىس بولعانى تۋرالى قايعىلى حاباردى تەرەڭ كۇيزەلىسپەن قابىلدادىم. قازاقستان حالقىنىڭ جانە ءوز اتىمنان قازا تاپقان ازاماتتاردىڭ وتباسىلارىنا كوڭىل ايتامىن. سونداي-اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن, – دەپ جازىلعان جەدەلحاتتا.