قازاقستانعا مەملەكەتتىك ساپارمەن كەلگەن قىتاي حالىق رەسپۋبليكاسىنىڭ توراعاسى سي ءتسزينپيندى «اقوردا» رەزيدەنتسياسىندا سالتاناتتى قارسى الۋ ءراسىمى ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت قاسىم-جومارت توقاەۆ قحر توراعاسى سي ءتسزينپيننىڭ كورتەجىن ءوزى كۇتىپ الدى. مارتەبەلى مەيماننىڭ قۇرمەتىنە قازاقستان رەسپۋبليكاسى اۋە قورعانىسى كۇشتەرىنىڭ ۇشاقتارى قىتاي تۋىمەن تۇستەس قىزىل, سارى جولاق ءىز قالدىرىپ, ۇشىپ ءوتتى.
بۇدان كەيىن قاسىم-جومارت توقاەۆ پەن سي تسزينپين ءبىر-بىرىنە رەسمي دەلەگاتسيا مۇشەلەرىن تانىستىردى. قۇرمەت قاراۋىلىنىڭ باستىعى راپورت بەرىپ, ەكى ەلدىڭ ءانۇراندارى ورىندالدى.
سالتاناتتى راسىمنەن كەيىن مەملەكەتتەر باسشىلارى كەلىسسوز زالىنا باردى.