ۇبت رەكوردى جاڭاردى

وزات وقۋشى كوپ­با­لالى وتباسىنان شىق­­قان. ايىمنىڭ اناسى ايگەرىم ماناتقىزى پەرزەنتىنىڭ مەكتەپتى «التىن بەلگىگە» بىتىر­گەنىن, بىلىمگە ەرەكشە قۇشتار ەكەنىن ايتتى.

– قوسشى قالاسىندا تۇ­رامىز. 6 بالام بار. ايىم – تۇڭ­­­عىشىم. ول اجەسىنىڭ مەن­­­شىگىندە. مەكتەپتى «التىن بەل­­گىمەن» ءبىتىرىپ, وسى­عان قوسا 100 مىڭ تەڭگە سىياقى العان بولاتىن. كىش­­كەن­­تايىنان وتە العىر, قاجىر­لى, وقۋ­عا ىنتالى بولدى. بىز­دە ­اتا-­انا رەتىندە مۇمكىندىگى­مىزشە وعان قولداۋ ءبىلدىرىپ كەلەمىز, – دەدى اناسى.

ال ايىمنىڭ ءوزى ەكى شەت ءتىلىن تاڭداپ وتىرعانىن جەت­كىزدى. ول وسى جەتىستىككە قول جەت­كىزۋ ءۇشىن ۇيالى تەلەفوننان الشاقتاپ, كىتاپقا كوبىرەك كوڭىل ءبولىپتى.

– بىلىمگە قۇشتار جاقسى ورتا تاپتىم, بىرگە دايىندالدىم. تەلەفوننان الشاقتاپ, كىتاپ­قا كوڭىل ءبولدىم. ۋاقىتىم­دى ءتيىمدى پايدالانۋعا تىرىس­تىم. اتا-انامنىڭ ءۇمىتىن اق­تاعانىما قۋانىپ تۇرمىن. وسى ورتالىققا 10-سىنىپ­تان باستاپ كەلىپ, دايىندالىپ ءجۇرمىن. دۇنيەجۇزى تاريحى جانە اعىلشىن ءتىلى پاندە­رىن تاڭدادىم. وسى ورايدا اتا-انا­ما جانە ۇستازدارى­ما العىس اي­تامىن. اللا قالا­سا, ل.ن.گۋميلەۆ اتىنداعى ەۋرا­زيا ۇلتتىق ۋنيۆەرسي­تەتى­نەن ­ەكى ­شەت ءتىلى ماماندى­عىن تاڭ­­­داپ ­وتىرمىن, – دەدى ا.ەرجا­نوۆا.

ۇبت ۇزدىگى «Zerdeli» اقىل-ويدى دامىتۋ ورتالىعىندا تەس­تىلەۋگە دايىندالعان ەكەن. وسىعان وراي وعان اتالعان ور­تالىق ديرەكتورى ىرىسبەك ءماۋىت ۇلى 5 ميلليون تەڭگە جانە iPhone 15 تەلەفونىن سىي­لا­دى. وتكەن اپتادا 140 بالل العان جاننۇر ەڭسەبەكتى عىلىم ­جانە جوعارى ءبىلىم ءمينيسترى سايا­سات نۇربەك قۇت­تىقتاپ, باعالى­ ­تەحنيكا سىي­لاپ, اتا-اناسىنا العىس ءبىل­دىر­دى. سونداي-اق تۇلەكتى دايىن­داعان ۇستازداردىڭ رولىنە دە توقتالىپ ءوتتى.

– جاننۇردىڭ ۇبت-دا جو­عارى كورسەتكىش كور­سەتۋى – ەڭ­بەك­قورلىقتىڭ, شى­دام­­دى­لىق پەن ىنتانىڭ نا­تيجەسى. بۇل رەتتە اتا-انانىڭ قول­داۋى, قام­قورلىعى مەن با­لاعا دە­­گەن سەنىمىن دە ايتۋ كەرەك. سون­داي-اق مۇعالىمدەردىڭ دە كاسى­بيلىگى مەن جۇمىستارىنا دەگەن ادالدىعىنىڭ جەمىسى. بۇل قۋا­نىشتى ءسات ومىردەگى جاڭا جەتىس­تىكتەر مەن جەڭىستەردىڭ باس­تاماسى بولسىن! – دەدى مينيستر س.نۇربەك.